Dama ka ilaj ke 10 Gharelu Upay - Asthma Treatment in Hindi

Dama ka ilaj ke 10 Gharelu Upay – Asthma Treatment in Hindi

Asthma ka ilaj ke Upay: Jab saans lene wali nalika mein koi infection ya koi problem ho aur iske karan khansi aur saans lene mein pareshani aaye to is diseases ko asthma (dama) kehte hai. Aapne filmo mein logo ko asthma inhaler pump istemal karte dekha hoga. Ye bimari purush, mahila aur bacho kisi ko bhi ho sakti hai. Saans lene wali nali hamare fefdo(lungs) se hawa andar bahar karti hai aur asthama ki bimari hone par in naliyo ke andar ki taraf sujan(swelling) ho jati hai. Ye swelling saans lene wali nali ko kafi sensitive bana deti hai, jiski wajah se kisi bhi baichen karne wali cheej se allergy hone lagti hai aur lungs mein hawa kam pahunchti hai. Is article mein hum padhenge asthma treatment in hindi.

Asthama ek parkar ki allergy hai jis ki wajah se saans lene mein taklif hone lagti hai. Is bimari mein patient ko saans fulne aur saans na aane ke daure (Asthma attack) padte hai. Asthma ki bimari 2 tarah ki hoti hai – specific aur non-specific.

  1. Specific – Isme saans fulne ki problem kisi allergy ki wajah se hoti hai.
  2. Non Specific – Isme dama ki samasya exercises, mausam ke parbhav ya genetic predisposition ki wajah se hoti hai.

Asthma ka ilaj ke upay, Dama Home remedies in hindi

 

Asthma ke Kya Karan Hai – Asthma Causes

  • Milawati khane aur khane pine ki galat aadto se dama ho jata hai.
  • Tension, gussa ya kisi dar ki wajah se bhi ye rog ho sakta hai.
  • Blood mein kisi parkar ka defect hona.
  • Ghar ke paaltu janwaro se bhi ye diseases ho sakti hai.
  • Drugs ya koi aur nashili cheejo ka sevan karna.
  • Khansi, jukam ya najla hona.
  • Jada mirch masale wali cheeje khana.
  • Fefado mein aur aanto mein kamjori hona.
  • Saans lene wali nalika mein dhool fas jana ya thand lag jana.
  • Samoking aur tobacco ka sevan karna.
  • Motape ki wajah se bhi asthma ho sakta hai.
  • Agar family mein pahle kisi ko asthma rha ho to aapko bhi ye bimari hone ki sambhavna hai.
  • Jada medicine ka sevan karne se cough sukh jane se dama ho sakta hai.
  • Hawa (Air) mein pollution se hone wali allergy se dama ho sakta hai.
  • Mahilao mein harmons ka badlav hone se bhi asthma causes ban sakte hai.

Jane Gussa Kam Karne ke Tarike

 

Asthma ke Lakshan – Symptoms of Asthma

  • Dama ka sabse bada lakshan hai saans lene mein pareshani hona.
  • Jab koi is bimari se grast hota hai to use sukhi khansi hoti hai.
  • Dama ke marij ka cough sakht aur badbudar nikalta hai.
  • Saans lete samay jada jor lagne par vyakti ka chehra laal hona.
  • Saans lete waqt halki halki sitti ki aawaj sunayi padna.
  • Chaati mein jakdan mehsoos hona.
  • Jor jor se saans lene par thakawat mehsoos hona aur paseena aana.

 

Kya Khaye – Diet for Asthma Patient

  • Asthma ke patients ko apne khane pine ka dhyan dena chahiye, halka aur jaldi pachne wala bhojan kare.
  • Lehsun, metthi, lauki, adrak, taroi aur tinde ka paryog bhojan mein adhik kare.
  • Mota pisa hua aate ki rotiya aur daliya khaye.
  • Munaka aur khajur kaye.
  • Paani pina ho to use halka sagaram kar le. Hamesha gunguna paani piye.

 

Asthma ka ilaj ke Gharelu Nuskhe : Home Remedies for Asthma

Kuch gharelu nuskhe apna kar asthma se hone wali taklif ko kam kiya ja sakta hai aur kafi had tak ise control mein rakh sakte hai.

  1. Dama ke treatment mein lehsun ka paryog kafi fayda karta hai. 25 se 30 ml doodh mein lehsun ki 4 se 5 kaliya ubaal le aur har roj iska sevan kare. Adrak ki chay mein lehsun ki 2 kaliya pees kar dale. Subh shaam is chay ko pine se fayda milega.
  2. Ek chammach adarak ka ras, ek cup metthi ka kadha aur thoda shahad mila kar ek mishran bna lo. Asthma ka treatment karne mein ye upay bahut kargar hai.
  3. Aadha glass paani mein 4 se 5 laung daal kar 5 minute tak ubale. Ab ise chaan kar isme thoda shahad milaye aur garam garam piye. Is upay ko rojana 2 se 3 baar karne se dama ke rogi ko fayda milta hai.
  4. Asthma ke attack ko kam karne ke liye 1 chammach haldi 2 chammach shahad mein mila kar chaat le.
  5. Garam garam coffee pine se bhi is bimari mein aaram milta hai. Coffee saans lene wali nali ko saaf karti hai jisse saans lene mein pareshani nahi hoti.
  6. Asthma ka desi ilaj karna ho to pipal ke patto ko tod kar chaav mein sukha le aur kisi bartan mein sukhe patto ko daal kar jala le. Jalne ke baad jo chura bachega use kisi kapde se chaan le. Ab is churan mein shahad mila kar chat le. Is upay ko 2 mahine tak din mein 2 se 3 baar kare, aapko dama mein kaafi aaram milega.
  7. Sarso ke tel mein thodi kapoor daal kar ache se garam kar le aur thoda thanda hone ke baad chhati aur kamar par malish kare. Rojana is tel ki malish se dama ke lakshano mein aaram milta hai.
  8. Tulsi ke patte paani mein daal kar pees le aur isme 2 chammach shahad mila kar khaye. Is upay se dama ke rog mein fayda milta hai.
  9. 1 chammach haldi 1 glass doodh mein daal kar pine se asthma control mein rehta hai aur allergy se bhi bache rehte hai.
  10. Asthma home remedies mein elaichi ka paryog bahut faydemand hai. Badi elaichi ke sevan se hichki aur asthma dono mein aaram milta hai. Angur, badi elaichi aur khajur ko brabar matra mein le kar pees le, ab is mishran ko shahad ke sath chatne se khansi aur dama door hota  hai.

 

Ayurveda Treatment for Asthma

  • Ayurvedic dawao se ilaaj karne ka sab se bada fayda ye hai ki inke side effects nahi hote aur kafi had tak bimari ka upchar ho jata hai.
  • 2 chammach aawle ka powder kisi cup mein daal le aur isme 1 chammach shahad daal kar achi tarah se mix kar le. Har roh subh is mishran ka sevan karne se asthma control mein rehta hai.
  • Do tihayi (2/3) hissa gajjar ka juice aur ek tihayi (1/3) hissa palak ka juice, ek glass roj piye.
  • Jo, bathua, adarak aur lehsun ka sevan asthma ke rogi ke liye faydemand hai.

 

Naturopathy se Asthma ka ilaj

  • Fruit juice piye, isse body ko jaruri nutritions milenge aur vishale padarth bahar niklenge. Jitni matra mein juice ho utni hi matra mein usme paani mila kar piye.
  • Cough aur balgam banane wali cheje khane se bache, jese chawal, shakkar, dahi aur til.
  • Khana pet bhar na khaye aur bhojan hamesha dhere dhere aur chba chba kar kare.
  • Din mein 10 se 12 glass paani piye aur kabhi bhi bhojan karte samay paani na piye.
  • Mausam mein hone wale badlaav ke bare mein jagruk rahe.

 

Asthma Treatment ke liye Yoga

Asthma ka upchar karne ke liye natural home remedies ke paryog ke sath agar yoga kiya jaye to aap ko ache results milenge. Yoga mein anulom vilom pranayam se aap shuruaat kare aur fir kisi yoga guru ki salah se kapalbhati aur bhastrika pranayam kar sakte hai.

 

Sardi ke mausam mein ye bimari khatarnak hone lagti hai. Is leekh mein bataye hue upayo se hum kaafi had tak is bimari par kabu pa sakte hai.

 

Baba Ramdev Medicine for Asthma Treatment

Agar aap asthma ka ilaj ke liye swami ramdev ki batayi hui medicines lena chahte hai to aap Divya Swasari Ras ka sevan kar sakte hai. Dama se bachne aur upchar ke liye iske ilava kuch aur bhi ayurvedic medicines baba ramdev ki site par hai. Aap kisi bhi dawa ko shuru karne se pahle unki website par puch sakte hai.

 

Homeopathy se Asthma ke Upay Kaise Kare

Homeopathic medicines vyakti ko bimari ke lakshan ke aadhar par di jati hai. Homeopathy treatment mein allergic asthma ke karno ko khatam karne par dhyaan diya jata hai. Vese to homeopathy mein asthma ke upay ke liye bahut si dawaiya uplabdh hai. Yha hum 5 homeopathic remedies bata rhe hai jo allergic asthma treatment mein fayda karti hai, par aap vyaktigat ilaj ke liye kisi homeopathic doctor ki salah jarjur le.

  • Allu  Cepa
  • Iodium
  • Thuja
  • Dulcamara
  • Carbo Veg

 

Dama Badhne se Kaise Roke – Prevention  of Asthma in Hindi

  • Hamesha inhaler pump ko apne pass rakhe.
  • Koshish yahi kare ki aap muh se saans lene ki bajay naak se saans le. Muh se saans lene par thand aandar ja sakti hai jo aap ko mushkil kar sakta hai.
  • Kisi bhi parkar ke infections se bache. Khanste aur chinkte samay rumal ka paryog kare.
  • Perfum aur deodorant jesi khushbu wali cheeje paryog karne se bache.
  • Dama ke patients ko asthma ka attack kabhi bhi aa sakta hai aur ye bimari jaanleva bhi ho sakti hai. Aise mein isse bachne ke upayo ki jankari hona bahut jaruri hai.
  • Asthma ke patient ko apne aas pass ke mahol ka dhyan rakhna chahiye.
  • Patient ko garam bistar par sona chahiye.
  • Smoking aur tobacco khane se parhej karna chahiye.
  • Mirch aur masaledar cheejo se door rehna chahiye.
  • Dhool mitti aur dhue wali jagah par jane se bache.
  • Tanav, gusse aur ladayi jhagde se bache.
  • Sharab aur nashili padartho ke sevan se bache.
  • Raat ko dinner light le aur sone ke 2-3 ghante pahle kare.
  • Morning aur evening walk par jaye aur yoga mein pranayam aur meditation kare.
  • AC, Cooler aur fan ki sidhi hawa se bache.
  • Thande aur nam jagaho se door rahe.
  • Jinhe khushbu wali cheejo se allergy ho ve agarbatti aur machar bhagane wali coil ka paryog na kare.

 

Ye koi lailaaj bimari nahi hai agar sahi samay par is bimari ko pehchan kar iska treatment kiya jaye to iska ilaj sambhav hai. Isliye agar aapko asthma ke symptoms dikhe to turant iske test karwaye. Aur asthma ki shikayat badhne par turant kisi doctor se consult kare.

 

Dosto Asthma ka ilaj ke Gharelu Nuskhe, Ayurvedic Natural Home Remedies for Asthma in Hindi ka ye lekh kaisa laga hame jarur bataye, aur agar aapke pass dama ka upchar ke upay, sujhav ya koi anubhav hai to hamare sath share kare.

You may also like...

8 Responses

  1. surendra singh says:

    helpful sir

  2. bktiwari says:

    Veryinformative

  3. Anand Kumar roy says:

    Thanks sir upchar btane k liye.
    sir mera Maa asthama patients hai .
    esliye dekha Tha.

  4. Deep kalita says:

    Sampurn lekh sabhi jano ke liye upayogi he aor jaanna vi jaruri he, nice. Thank you sir

  5. hitesh kumar says:

    very nice treatment sir

  6. rahul says:

    Thanks sir

  7. vishnu garg says:

    AASTMA PROBLEM

Leave a Reply

Your email address will not be published. Required fields are marked *

error: Content is protected !!