Ghar ke Vaid ke Gharelu Nuskhe: Home remedies in Hindi

Ghar ke Vaid ke Gharelu Nuskhe: Home remedies in Hindi

Gharelu Nuskhe in Hindi: Purane jamane mein jab koi allopathy doctor aur medicines nahi hoti thi tab ayurveda vaid ghar mein isteemaal hone wali cheejo aur ayurvedic jadi butiyo ko mila kar dawa banate the jo kisi bhi bimari ka ilaj karne ke sath use jad se khatam karne mein bhi kaargar hai. Home remedies ko dadi maa ke nuskhe bhim keh sakte hai. Par aaj ke samay mein log kisi bhi bimari ke hone par allopathy treatment par jada dhyaan dete hai. Allopathy medicine mehnagi hone ke sath sath inke side effects bhi hote hai.

Gharelu Nuskhe, Home Remedies in Hindi

 

Gharelu Nuskhe ke Fayde : Benefits of Home Remedies

  • Gharelu nuskho ka paryog sirf bimariyo ke ilaj mein hi nahi balki achi sehat pane ke liye bhi kiya jata hai.
  • Gharelu upayo ke isteemaal karne ka koi side effect nahi hota.
  • Home remedies se ilaj mein isteemaal hone wali cheeje aapke aas pass kisi shop se aasani se mil jaati hai.
  • Allopathy medicine ke mukable dadi maa ke nuskhe se ilaj karna kaafi sasta hota hai.
  • Swasth aurv tandrust rahne ke liye, face se daag dhabbe nikalne, chahre ko saaf karne, rang gora karne se le kar baalo ki dekhbhaal ke liye bhi ye nuskhe asardaar hai.

 

Gharelu Nuskhe in Hindi : Best Home Remedies

Agar kisi bimari ke kaaran aur uske lakshan malum ho to usse bachaav aur upchaar ke upay karna aasan ho jaata hai. Aaiye jante hai ki gharelu nuskhe se ilaj karne mein kon kon si ayurvedic aushadhi ka isteemaal kar sakte hai aur unse kon kon si bimari ka ilaj kiya ja sakta hai.

1. Body ki Fitness: Swasth aur tandrust rehne ke liye rojana subh khaali pet 8 se 10 patte tulsi ke khaye. Bahut se log body ko fit rakhne ke liye health club aur gym ka sahara lete hai. Agar iske sath hum apni life style mein sudhaar la kar aur kuch gharleu nuskhe apna kar bhi apne aap ko fit aur active rakh sakte hai.

 

2. Chehre ki Dekhbhal: Besan mein thoda nembu ka ras, shahad aur paani mila kar ek paste bana le. Is leep ko face par lagane se chehra sundar dikhne lagta hai aur skin glow karti hai. Agar aap ke chehre par daag dhabbe aur pimples hai, ya fir aap ke chehre par fairness cream aur beauty products isteemaal karne ki wajh se side effects ho gaye hai to aap ghar par hi ayurvedic face pack ki madad se inka upchaar kar sakte hai. Agar aap gora rang paana chahte hai tab bhi aap face saaf karne ke ye nuskhe paryog kar sakte hai.

 

3. Baalo ki Dekhbhal: Hairs ki care na karne ki wajah se baal jhadne, baalo mein dandruff aur ganjapan jesi samasya ho jaati hai. Agar aap bhi hairs ki kisi bhi problem se pareshaan hai to aap home remedies aapnaye. Kuch hi dino mein aap ke baal sundar aur mulayam hone lagenge.

 

4. Motapa Kam Karne Ke Upay: Jada motapa hone se shareer ko aur bhi kai bimariya hone ka dar rehta hai. Aaj kal ke galat khan-paan aur busy life style ki wajah se jadatar logo ko pet ki charbi badhne ki shikayat hoti hai jisse vajan badhta hai. Vese to motapa kam karne ke liye rojana yoga aur excersise karna behad jaruri hai par hum kuch gharelu nuskhe apna kar bhi teji se motapa kam kar sakte hai.

 

5. Height Badhane ke Upay: Kai baar vajan jada hone ki kaaran bhi height nahi badhti, agar aap ki body ka motapa jarurat se jada hai to height increases karne ke liye pahle aapko motapa kam karna hoga. Aur kai baar harmon aur genetic disorder ki wajah se bhi kad lamba nhi ho pata. Jaaniye lambayi badhane ke gharelu nuskhe kon se hai.

 

6. Mota Hone ke Upay: Agar aap apne duble patle shareer se pareshaan hai aur aksar yahi sochte hai ki main khata peeta to bhut hu fir bhi mota nhi ho rha to aap weight badhane ke in gharelu nuskhe ko apnaye. Kuch hi dino ke paryog se aapko farak dikhne lagega.

 

7. Bawasir ka ilaj: Bawasir ko piles bhi kehte hai jiska sabse bada kaaran kabz hona hai. Khooni bawaseer hone par toilet mein bhut jada blood aata hai jise dekh kar rogi ghabra jata hai. Blood ko rokne ke liye 10 se 12 garam kaale til ko makhan ke sath le. Jaane piles ka treatment ayurveda aur homeopathy se kaise kare.

 

8. Pregnancy Care Tips: Kisi bhi aurat ke liye maa banana jeevan ka sabse bada sukh hota hai, isliye garbhavastha mein pregnant women ko kin kin baato ka dhyaan rakhna chahiye aur kon kon se upay karke normal delivery ho sakti hai ye janana bhut jaruri hai. Aur sath hi ye bhi jaane ki pregnancy ke pahle 3 mahine mein bache ki growth kese hoti hai.

 

9. Sugar ka ilaj Kaise Kare: Blood Sugar ko english mein diabetes kehte hai aur ise control karne ke liye aur jad se khatam karne ke liye wheatgrass(gehu ke javare), giloy, karela, aloevera, tulsi, amla aur jamun ke patte mila kar juice bana kar piye. Sugar ka upay karne mein dalcheene aur methi ke daane ka pryog bhi kafi fayda karta hai. Neem ke patte khaali pet khane se bhi sugar door hoti hai.

 

10. Garmi aur Loo se Bachne ke Upay: Garmi(summer) mein loo se bachne ke liye ghar ke bahar jaate samay sir ko kisi kapde se ache se dhak le aur kabhi khaali pet ghar ke bahar na jaye. Jaljeera, dhaniya, pyaj, imali ka paani kheera aur gay ka doodh ka paryog garmi se bachaye rakhta hai. Garmi mein pitt aur ghamoriya hone par awale ke ras mein ghritkumari mila kar piye.

 

11. Pathri ka ilaj: Pathri ke dard se rahat pane aur pathri(stone) ka upchaar karne ke liye haldi ka upyog sab se utam hai. 2 garam gud gajar ki kanji aur 1 garam haldi mila kar khaane se pathri gal kar nikal jayegi. Jaane aur kon kon se gharelu upay kar ke gurde, kidney, gal bladder ki pathri nikal sakta hai.

 

12. Pet Mein Gas: Kala namak, jeera, ajwaine aur choti harad ko barabar maatra mein le aur pees kar khana khane ke baad halke gungune paani ke sath 2 se 5 garam tak ki maatra mein le. Daalcheene ka powder paani ke sath lene par dast aur gas se nijaat milti hai.

 

13. Piliya ke ilaj ke Nuskhe: Liver ki kamjoori ke kaaran piliya(jaundice) ki shikayat ho jaati hai, aur jab ye samasya badh jaye to kala piliya hone ka khatra hota hai jise hum Hepatitis B bhi kehte hai. Ghar par mulli ke patto ko ras nikal kar peene se jigar ko takat milti hai, pet ki garmi khatam hoti hai aur piliya se rahat milti hai. Jane piliya ka upchaar karne ke kuch aur nuskhe.

 

14. Muh ke Chale ka Upay: Muh mein gaalo par aur hotho par chale hone par mulethi ke churan ko shahad mein mila kar chalo wali jagah par lagaye aur isse nikalne wali laar ko bahar nikalne de.

 

15. Lakwa ka desi ilaj in Hindi: lakwa(Paralysis) ka attack aane par 50-100 gram tilo ka tel le aur ise holka garam karke rogi ko pilaye aur lehsun cheel kar chabane ko de, sath hi shareer ke jis hisse par lakwa hua ho uspar senk kare.

 

16. Kabz ke Gharelu Nuskhe: Kabz(constipation) hone par jada paani piye. Fruits mein amrud aur papita khaye aur  ek glass halke garam paani mein 1 nimbu nichod kar peene se purani kabz bhi khul jaati hai.

 

17. Swine Flu ka ilaj: Swine flu ke treatment ke liye sab se pahle jaruri hai ki apne ghar ke aas pass saaf safayi rakhe. Tulsi ke patte, giloy ki bel, kapoor aur menthol ka isteemal swine flu se bachaav aur upchaar ke liye kar sakte hai. Jane apni family ko kese swine flu se dur rakhe.

 

18. Dil ka Daura ka Upay: Jin logo ka dil kamjoor hai ya koi dil ki bimari aur blockage se pidit hai unhe heart attack ka aane ka khatra jada hota hai. Aese rogiyo ko lauki ka juice, lauki ki sabji ya kachi lauki khaane se dil ko takat milti hai. Lauki ke juice mein tulsi aur pudeena mila kar peene se jada fayda hota hai.

 

19. Cancer ka ilaj: Cancer mein mouth cancer, liver cancer, oral cancer, breast cancer, throat cancer, cervical cancer kuch aesi bimariya hai jinse kafi log pidit hote hai. Cancer ke treatment ke liye desi gay ka mutar(gay ka peshaab) bhut fayda karta hai. Cancer ke mareej ko din mein 2 se 3 baar gomutar peena chahiye.

 

20. Gathiya ka Upay: Gathiya ke bimari mein jodo mein aur ghutno mein bhut teej dard hota hai aur kai baar chalna firna bhi nahi ho pata. Gathiya ke dard mein lehsun, ashvagandha, akhroat, amrood ka paryog bhut kaargar hai. Baba Ramdev ke bataye hue yoga karne se bhi jodo ka dard thik hota hai.

 

21. Dengu Bukhar ke Nuskhe: Dengu ka bukhar machhar ke kaatne se hota hai, jiski wajh se blood mein platelets ki kami ho jaati hai. Giloy, wheatgrass, aanaar, papite ke patte aur tulsi milakar juice peene se dengu ka ilaj karne mein raamban ka kaam hota hai.

 

22. Sardi Jukam ke Gharelu Nuskhe in Hindi: Shahad ke sath adarak ka chota sa tukda khane se sardi aur jukam mein aaram milta hai. 1 graam haldi aur 20 se 25 graam aawla mila kar leene se sardi jukam aur cough mein turant aaraam milta hai.

 

23. Pet ki Bimariyo ki Home Remedies: Pet mein dard, pet mein gas, dast(loose motion) pet ki kuch bimariya hai. Pachan kriya thik se kaam na karne par ye bimariya aksar hame pareshaan karti hai. Ghar merin isteemaal hone wali kuch cheejo ke paryog se hum pet ki gas, dast aur dard se chutkara pa sakte hai. Aloevera ka juice, lemon tea, green tea, ajwain, seendha namak, jeera, peesi hui kaali mirch aur neembu ke sahi isteemaal se hum pet ki bimariyo se bach sakte hai. Aloevera aur aawla ka juice mila kar peene se blood saaf hota hai aur pet ki sabhi bimariya door hoti hai.

 

24. Muh ki Badbu: Bahut se log janana chahte hai ki bad breath (munh ki badboo) ka upay karne ke liye kya kare. Rojana green tea peena, jada paani peena, jamun ke patte aur tulsi ke isteemaal se hum badboo ki shikayat se nijaat pa sakte hai. Muh ki badboo turant dur karne ke liye daalcheenee ka tukda muh mein rakhe.

 

25. Liver ke Upay: Liver(Jigar) ki garmi door karne ke liye gajar aur palak ke juice ko din mein 2 baar piye. Iss upay se liver ki kamjoori door hoti hai, liver ki sujan kam hoti hai aur fatty liver ka ilaj hota hai.

 

26. Migraine ka ilaj: Migraine ki bimari mein aadhe sir mein dard hota hai.  Aadhe sir dard ke treatment ke liye sir ke jis hisse mein dard ho us taraf ki naak mein gaay ka ghee daale. Migraine merin maalish(massaj) karne se bhi sir ka dard kam hota hai.

 

27. Neck Pain ki Home Remedies in Hindi: Gardan mein dard hone par jaitun ke tel ko gunguna karke gardan ki malis kare. Neck ka dard thik karne ke liye exercise aur yog guru baba ramdev ke yoga tips bhi try kar sakte hai.

 

28. Dant Dard ke Upay: Dant(teeth) mein dard, masudho se khoon nikalna, dant peele(yellow teeth) hona, payeria aur danto ki koi bhi bimari mein gehu ke javare(wheatgrass) ka paryog utam hai. Iske ilaava neem ka datun, keekar ke datun se dant saaf karne par bhi muh ki bimariyo se chutkara milta hai.

 

29. Acidity Kaise dur kare: Ashwgandha aur giloy aesi ayurvedic aushadhi hai jo acidity aur pet mein jalan ka ilaj karne mein rambaan ka kaam karti hai. Jane inka isteemal kaise kare. Gud mein thodi ajwain mila kar lene se acidity se chutkara milta hai.

 

30. Blood Pressure ke Gharelu Nuskhe: High BP control karne ki home remedies mein giloy, amla, lichi, tarbuj, gehu ke jaware aur gajar ka murabba kaargar hai. Homoeopathic medicine ke isteemaal se bhi BP ki samasya dur kar sakte hai.

 

31. Bhukh badhane ke liye kya kare: Bhukh kam lagna matlab kam khana khana, jisse shareer ko jaruri poshak tatav nhi milt paate aur kamjoori aane lagti hai. Kabz, acidity, pet mein gas aur jalan ke kaaran bhi bhukh kam lagti hai. 1 gilass paani mein jeera powder, kala namak aur safed namak mila kar peene se bhukh badhne lagti hai.

 

32. Wheatgrass Juice Ke Fayde: Wheatgrass (gehu ke javare) ko dharti ki sanjivni booti bhi keh sakte hai. Kisi bhi parkar ki bimari or wheatgrass juice ko bina dawa band kiye pi sakte hai. Jane gehu ke javare ka ras kaise banate hai aur kon kon si bimariyo me wheatgrass juice ya powder ka sevan kaise kare.

 

33. Chehre se Pimples hatane ke Gharelu Upay: Chehre se jhuriya, daag dhabbe aur pimples hatane ke liye hum beauty products paryog karne lagte hai, kyuki in cosmetic products me chemicals hote hai jo kai bar face ko suit nahi karte aur isse side effect ho jate hai. Par aap ghar baithe kuch ayurveda tariko ko isteemaal kar ke face pack bana sakte hai jinke na koi side effect hota hai aur na hi mehnge hote hai.

 

34. Pet Dard ka ilaj: Pet dard se jaldi aaram pane ke liye bahut se log pain killer khate hai jisse dard mein to aaram mil jaata hai par pet ki problem ka solution nahi hota. Pet ki samasyo aur dard se chutkara paane ke liye hum kuch gharelu nuskhe bhi apna sakte hai.

 

35. Sir Dard ke Gharelu Upay: Headache treatment ke liye pain killer ki bajaay gharelu upay kare to migraine ki samasya ka ilaj bhi sambhav hai.

 

36. Kaan Dard ka Upay: bado ko ya chote bacho ko kaan dard ki shikayat hone par sab se phle dard ka karan malum karna jaruri hai kyu ki kai bar hum kaan dard ka karan nahi samjh pate aur galat treatment krte rahte hai. Aaiye jane kaan dard ke upchar ke gharelu nuskhe.

 

37. Aankho ke Rogo ka Safal ilaj: Aksar choti umar mein hi bacho ki aankho par chashma lag ata hai aur kai baar hamre aankho mein infection ya fir khujli hone lagti hai. Aankho ki roshni te karne aur chashma hatane ke liye hum kuch upay apna sakte hai.

 

38. Lemon Tea ke Benefits: Rojana jo chay hum pite hai agar uski jagah hum nimbu ki chay piye to hamare shareer ko kai tarah se fayda ho sakta hai. Aaiye jane lemon tea kaise banaye or kab piye.

 

39. Pregnancy Tips For Normal Delivery: Pregnant women ko normal aur safe delivery ke liye chalte firte rehna chahiye aur baba ramdev ke kuch yoga aasan karne chahiye, jisse shsreer active rahe aur maaspeshiyo ko majbooti mile.

 

40. Home remedies for back pain: Kamar dard or slip disc se bachne aur upchar ke liye hum dadi maa ke muskhe aona sakte hai. 

 

41. Garmi se Bachne ke Upay: Garmi aur loo se bachne ke liye hum cold drink peene ki bajsay ghar par banaye kuch energy drink bhi pi sakte hai jo gsrmi aur loo se bachane ke sath sath ksi bimariyo se bhi door rakhte hai.

 

42. Green Coffee ke Fayde: Motapa kam karne ke liye aapne green tea ke baare mein to suna hi hoga par agar aap kisi karan wash exercise aur yoga nahi kar pa rahe aur apne badhte moatape se pareshan hai to aap green coffee ka sevan kar sakte hai.

 

43. Body Kaise Banaye: Purane jamane mein log akhardo mein ja kar kasrat kar ke aur apne khaane pene ka dhyaan rakh kar body bnate the. Agar aap bhi achi aur fit body banana chahte hai aur ghar par ya kisi gym mein bodybuilding workout karte hai to jaane biceps, chest ka size badhane ke liye kya kare aur 6 packs abs kaise banaye.

 

44. Spinal Cord Injury: Lakwa aur polio ke baare mein to aap jante honge, ye vo bimariya hai jo body ke ango ko paralysis kar deta hai. Spinal cord injury bhi aesi hi samasya hai, isme jab reedh ki haddi par chot lagti hai tab chot ke niche wala pura hissa kaam karna band kar deta hai. Spinal cord injury (SCI) ke karan, treatment, physiothearpy, rehablitation aur complication jane ke liye ye leekh padhe.

 

45. Gussa Kam Karne ke Upay: Insaan gussa tabhi karta hai jab koi kaam uske hisab se nahi hota ya fir jab vo apne dimag par control kho de. Gussa kam karna hai to pahle man ko kabu mein rakhna aana chahiye.

 

46. Bukhar ka Gharelu ilaj: Bukhar ka ilaj uske lakshano ke aadhar par kiya jata hai. Agar fever kisi infection ya viruse se hua ho to pahle ye janana jaruri hai ki ye vral fever hai ya kuch aur.

 

47. Home Remedies for Malaria: Malaria bukhar machar ke kaatne se hota hai. Agar malaria se bachne ke upay karne hai to ghar aur ghar ke aas pass machhar bhagane ke upay kare. Malaria ka bukhar dengu, viral aur swine flu se kis tarah alag hai ye iske syptoms se pta kar sakte hai.

 

48. Swapandosh ka ilaj aur Upay: Swapandosh (Nightfall) ek mansik diseases hai aur ise rokne ke liye hum medicine bhi le sakte hai. Par agar aap kuch upay kare to bina kisi medicine ke bhi nigtfall rok sakte hai.

 

49. Bhukh Kam Kare ke Upay: Jada khana khaana motape ka karan banta hai. Agar aap bhi is pareshani se jujh rahe hai to iske upay karna shuru kar de aur ye bhi pta kare ki aapkom jada bhukh lage ka kya karan hai kyuki jab tak kisi samasya ke karan nahi malum ho tqb tak uska ilaj karna mushkil hota hai.

 

50. Napunsakta ke Upay: Napunsakta(impotence) ek parkar ki mardana kamjori hai aur ye bimari bachpan mein ki hui kuch galtiyo ki wajah se ho jati hai. Agar aapko impotence ke lakshan dikh rahe hai to ghabrane ki jarurat nahi kuch home remedies ke paryog se iska ilaj kiya ja sakta hai.

 

51. Body ko Detox Kaise Kare: Sharir se free radicals bahar nikalne ki parkirya ko hi body ko detox karna kehte hai. Aaj ke samay mein pollution aur khane ki galat aadto ki wajah se hamare shareer mein bahut sare hanikarak vishale padarth jama ho jate hai jo bimariyo ka karan bante hai.

 

52. Pet ke Kide Marne ke Nuskhe: Pet mein kide aanto se chipake hue hote hai, ye samasya chote bacho mein adhik hoti hai jika upchar sahi samay par karna bahut jaruri hai nahi to ye bache ke sharirik vikas par bura asar daal sakte hai.

 

53. Gale mein Infection aur Tonsils ka ilaj: Gale mein koi ifection ho gya ho jese khansi, kharash, sujan ya fir tonsils ki samasya ho, gale ki sabhi parkar ki bimariyo ka upay kachi haldi ke ras se kiya ja sakta hai. Kuch doctors tonsils ke treatment ke liye operation ki salah dete hai par is gharelu nuskhe ke paryog se bina operation hi is samasya se chutkara paya ja sakta hai.

 

54. Periods ke Gharelu Upay in Hindi: Periods jise hum masik dharam aur mahwari bhi kehte hai girls ko hone wali ek problem hai jo mahine mein ek baar hoti hai. Periods ke samay sharir se gandagi bahar nikalti hai aur isme bahut pain hota hai, iske ilava bhi bahut pareshaniya hoti hai, jese periods der se aana ya jaldi aana. Periods ko jaldi lane aur rokne ke upay bhi kiye ja sakte hai aur dard ko kam karne ke liye bhi kuch nuskhe apna sakte hai.

 

55. Pet Saaf Karne ke Upay: Pet thik se saaf na hona matlab pet mein kabz hona jisse mal tyagne mein pareshani hoti hai aur kai bar jor lagane par bhi pet clear nhi ho pata. Kabz hone par sharir ko dusri bimariya hone ka bhi khatra rehta hai. Kuch gharelu upay karke hum purani se purani qabz khol sakte hai.

 

56. Likoria ka ilaj in Hindi: Likoria ko shvet pradar, safed pani ki samasya aur white discharge problem ke naam se bhi jante hai jo mahilao mein hoti hai. Ye samasya girls se lekar married women tak kisi ki bhi ho sakti hai, agar sahi samay par iska upchar na kiya jaye to infection hone ka khatra badh jata hai. Kuch gharelu tips folliw kar ke is bimari se jaldi chutkara pa sakte hai.

 

Is leekh mein bataye hue dadi maa ke nuskhe se bhut logo ko benefit hua hai. Dosto vese gharelu nuskho ke koi nuksaan nhi hote fir bhi ham aapko yahi salah dete hai ki aap in home remedies se treatment karne se pehle kisi doctor ya ayurverda vaid ki salah jarur le.

Gharelu nuskhe in hindi ka ye leekh aapko kaisa lage hme bataye aur agar aapke paas koi sujhaav ya anubhav ho to hamare sath share kare. hum aap ke batsaye hue tips sab ke sath share karenge. Home remedies ke ilava is website par hum rajiv dixit ke ayurveda aur homeopathy health tips in hindi aur baba ramdev ke nuskhe, medicines, yoga tips bhi share karte hai.

You may also like...

Leave a Reply

Your email address will not be published. Required fields are marked *

error: Content is protected !!