Ayurvedic Face Pack: 30 Minute Me Apne Chehre ko Nikhare

Ayurvedic Face Pack: 30 Minute Me Apne Chehre ko Nikhare

Kisi ko bhi apne face par daag dhabbe ya koi nishaan pasand nhi, har koi bedaag aur khubsurat chehra chahta hai par din bhar kaam karne ki thakan, galat khaan paan aur badhti umar se bhi hamare face ki tajagi kho jati hai. Kai bar hum bazaar se rang gora karne ke beauty products use karte hai aur vo hmare chehre par reaction kar dete hai. In sab samasyao se chutkara pane ke liye hum mehnge mehnge cosmetics ki bajay agar gharelu face pack bana kar lagaye to hame jada fayda milega. Ghar mein bnaye huye ayurvedic face pack saste hone ke sath sath asardaar bhi hote hai aur hamari skin par reaction bhi nhi karte. Natural nuske paryog karne se chehre ki kamiyo ko hamesha ke liye dur kiya ja sakta hai.

Top 10 Home Made Ayurvedic Face Pack in Hindi

 

Top 10 Home Made Ayurvedic Face Pack in Hindi

1. Tulsi ke 15 patte lijiye aur paani mein pees kar subh face par lgaye. 10 minute baad chehre ko paani se saaf kare. Is kirya ko 15 din lagatar kare. keel, muhasse aur jhaiyo ke daag dhabbe door ho jayenge.

2. Masur ki daal do chamach baarik pees le. Isme thoda sa doodh milakar le aur patla patla leep bna le. Is leep ko face ke pimples par lagaye.

3. Gulab ke fool ki pattiyo ko doodh ke sath pees kar leep bna kar chehre par lgaye.

4. Jeeyfaal ko doodh mein pees kar lagane se keel-muhase aur jhuriyaa door ho kar face saaf hone lagta hai.

5. 2 chamcha besan, 1 chamach dahi aur 1 chutki haldi le in sab ko mila kar ek leep bna le aur apne chehre par lgaye.

6. Aak ke patto ko pees kar doodh aur haldi milakar chehre ke kaale daag dhabbe, jhuriyo aur pimples par lagaye.

7. Chawal ka aata doodh mein ghol kar chehre par gadha leep kare.

8. Gaay ke doodh mein 1 chamach chironji pees kar leep chehre par laga kar masle.

9. Ek bada chamach doodha ka bhar le aur isme pisi hui haldi milakar leep gdha leep bna le aur chehre par lagaye. Yeh leep face ka rang saaf karta hai.

10. Santre ke sukhe chilko ka churan, thoda sa dahi, ek chutki haldi aur nimbu ke ras ki 5-6 bunde mila kar leep bna le aur face par lgaye.

 

Upar btaye gye natural home made ayurvedic face pack chehre ki tvacha ko healthy, nirogi, ujwaal aur chamkila banate hai aur face ko saaf karte hai.

 

Pimples Hatane Ke Liye 10 Ayurvedic Beauty Tips

  1. Aalu ubaal kar uske chilke cheel le fir in chilko ko chehre par masle, aap ke muhasse thik ho jayenge.
  2. Muhasso ke daag dhabbe chehre par jada ho to dahi ko ubtaan ki tarah istemaal kare.
  3. Sukhi haldi ki gaanth ko nimbu ke ras me mila kar lagane se bhi face ke daag dhabbe teji se mitne lagte hai.
  4. Chehre par kale daag dhabbe mitane ke liye tamattar k eras mein ruyi bhigo kar daago par lagaye isse kale dhabbe saaf ho jayenge.
  5. Green tea ke isteemaal se bhi chehra fresh dikhne lagta hai. 1 gilass paani mein green tea daal kar kuch der tak bhigayeaur baad mein issi paani se chehra dhoo le. Kuch hi der mein chehre ki thakan door ho jayegi aur aap fresh dikhne lagenge.
  6. Chehre aur garden par shahd lagaye qur thoda sukhne ke baad face massage kare. Ab gungune paani se dho le. Isse tvacha mein kasav aayega.
  7. Frizz mein rakha thanda doodh nikale usme ruyi daal kar bhigoye aur apna chehra ponche . Iske baad chehre ko thande paani se dhaoye aapka chehra chamak uthega.
  8. Multanni mitti mein nariyal ka tail aur thodi si chinni mila kar lagaye.
  9. Frizz se barf nikal kar bahar rakhe jab barf puri tarah ghul jaye to usi paani se chehre ko dhoye.
  10. Apne khane mein fruits aur salad ki matrajada rakhe aur jada se jada paani piye.

 

Dosto ye lekh aap ko kaisa lga hame jarur bataye aur sath hi apne anubhav bhi hamare saath share kare. Aur agar aap ke pass natural face pack banane ka gharelu upay hai to yha hamare sath share kare.

You may also like...

2 Responses

  1. TAUFEEK says:

    very good

  2. anjali rajput says:

    nice jii

Leave a Reply

Your email address will not be published. Required fields are marked *

error: Content is protected !!