Baba Ramdev ke Ramban Gharelu Nuskhe Aur Ayurvedic Medicine

Baba Ramdev ke Gharelu Nuskhe in Hindi: Jab kabhi yoga, desi nuskhe aur ayurveda medicines ke bare mein baat ki jati hai tab baba ramdev ka naam jarur liya jata hai. Yoga sikhane ke sath sath swami ramdev rogo ke ilaj ke liye natural remedy isteemal karne ke liye logo ko jagruk karte hai aur iske sath hi bimariyo ke upchar ke liye ayurvedic dawa patanjali store par provide karte hai. Chahe motapa kam karna ho, badhana ho ya fir blood pressure, sugar, bawaseer, kabz, periods problems, cancer, liver, kidney ya koi aur health diseases ho aap ghar baithe gharelu upay aur nuskhe paryog kar ke treatment kar sakte hai. Aaiye jane baba ramdev ayurvedic home remedies tips in hindi.

Baba ramdev ke gharelu nuskhe ayurvedic medicine in hindi

 

Baba Ramdev ke Gharelu Nuskhe aur Ayurvedic Medicine Hindi Me

1. Kidney stone (gurde ki pathri) nikalne ke liye divya ashmarihar ras ka sevan kare. Pite ki pathri ke upchar mein bhi ye dawa upyogi hai.

2. Bawaseer ka ilaj ayurvedic dawa se karne ke liye divya arshkalp vati ka sevan kare. Kapalbhati aur anulom vilom karne se bhi piles (hemorrhoids) se rahat milti hai.

3. Aadha sir dard (migraine) hone par desi ghee ki jalebi khaye aur doodh piye. Iske ilava anulom vilom pranayam karne se bhi sir dard se chutkara milta hai.

4. Pet ki charbi (belly fat) aur motapa ghatana ho to har roj kapalbhati kare, khane mein carbohydrates ki maatra kam le aur meetha bhi kam khaye. Gomutar ka ark pine se bhi weight loss karne mein benefit milta hai, iske ilava ashwgandha ke patte khane se bhi fayda milta hai.

5. Teeths problem jese ki daanto mein sadan, kida lagna, masudho se khoon nikalna aur dant mein dard jesi samasyao se bachne ke liye rojana manjan ya datun kare. Aap divya dant kranti toothpaste bhi istemal kar sakte hai ye aap ko kisi bhi patanjali store se mil jayega.

6. Heart blockage ho ya dil ki koi bimari ho to 1 glass lauki ka juice, 7 patte tulsi ke, 7 patte pudeene ke aur 3-5 kali mirch milakar pine se fayda milta hai. Is desi nuskhe ke niyamit paryog se hemoglobin bhi badhta hai aur cholesterol bhi control hota hai. Thyroid ke ilaj mein bhi is home remedy se aaram milta hai.

7. Periods (masik dharm) normal karne ke liye divya dashmularishta aur ashokarishta ka seven karne se irregular periods ka upay hota hai.

8. Breast ka size chota ho to shatavar ka paryog kare isse stano ka aakar badhane mein madad milti hai.

9. Sugar, acidity, jodo mein dard, gathiya (arthritis) ya fir skin problem ho aloevera ka paryog karne se rahat milti hai.

10. Body mein kahi koi gaanth ho to haldi ke paryog se iska upchar kar sakte hai. Gungune paani ke sath 1-2 graam haldi lene se gaanth ghul jayegi.

11. Aanwle ka juice pine se balo ka jhadna rukta hai. Naye baal ugane ke liye pyaaj ke paste ka paryog karna utam upay hai. Ganjapan se chutkara pane ke liye nimbu ke beejo ko pees kar iska paste sir par lagaye.

12. Body mein blood ki kami ho to aadha cup gajar ke ras mein nimbu ka ras mila kar piye.

13. Madhumeh (diabetes) ka ilaj natural remedies se karne ke liye karele ke juice ka sevan kare, meethi dana aur jamun ke patte bhi sugar control karne mein asardar hai.

14. Pet mein kabz ki samasya ho to har roj dhanurasan kare.

15. Blood pressure mein seb aur aanwle ka murabba khana labhdayak hai.

16. Pet mein marod uth rhi ho to adark ka ek tukda munh mein dale aur iske ras ka sevan kare.

17. Likoria jise safed pani ki samasya se jante hai iske ilaj ke liye shisham ke patto ka istemal karne se fayda milta hai. Shisham ke 10 patte paani mein mila kar piye. Is gharelu upay ko karne ke liye har bar taaje patte hi paryog kare aur agar har bar taaje patte na mil sake to ek hi baar mein sab patto ko chaya mein sukha kar pees le aur powder bana kar sevan kare.

 

Baba Ramdev Yoga Tips in Hindi

Har roj yoga aur pranayam karne se hum sharir ko hane wali bimariyo se bacha sakte hai aur agar koi bimari hui hai to uska ilaj karne mein bhi madad milti hai. Rojana kapalbhati aur anulom vilom pranayam karne se aap apne aap ko healthy aur fit rakh sakte hai. Koi bhi yoga karne se pahle use kisi yog guru ki madad se sikhe aur agar aap kisi gambhir bimari se grast hai to yoga karne se pahle doctor ki salah jarur le.

 

Agar aap kisi bimari ke ilaj ke liye koi ayurvedic remedy paryog karna chahte hai to pahle iske pryog ke bare mein puri jankari jarur le. Aap patanjali ki website par bhi apne sawal puch sakte hai ya fir kisi ayurveda chikitsak ki salah le sakte hai.

 

Dosto Baba Ramdev ke Gharelu Nuskhe Upay aur Ayurvedic Medicine ka ye lekh aapko kaisa lga hame comment kar ke bataye aur agar aapke pass koi natural home remedies tips in hindi ya kisi rog ke ilaj ke liye desi dawa hai to hamare sath share kare.

10 Responses

  1. geeta says:

    hair badhane ke upay

  2. Gopal mishra says:

    Sir mujhe height badhane ka tarika badyee age20 lambai 5,2″hai mujee apnee height 5 inch badhani hai

  3. govind says:

    Sir muze cough aur acidity hai to mujhe aapka kon sa product kharidana chahiye plz bataiye

  4. Ashish says:

    Muze dad aur khujali bahut paresan kar rahi he koi dava batao
    pizz..

  5. neetu says:

    Sir, mujhe height bdhani h iske liye kuch ayurvedic upay btaiye ….
    Meri height 5,1″ h
    Age 19 and mujhe 4 inch bdhani h …..

  6. Harish says:

    Sir mujhe bhi dadh khujali ki hi problem h elaj batye plz

  7. Prem Singh says:

    Mere sarir m charbi ki ganth Ho gyee h plz davai bataye

  8. Manoj Kumar Devedi says:

    Sugar control karne k liye kon si dawa istemal kare

Leave a Reply

Your email address will not be published. Required fields are marked *

error: Content is protected !!