Best Pregnancy Care Tips In Hindi for Pregnant Women

Best Pregnancy Care Tips In Hindi for Pregnant Women

Pregnancy care tips in hindi: Kisi bhi mahila ke liye maa banana ek anokha anubhav hota hai. Aise samay mein ghar ki bujurg aur anubhavi mahilaye unki help aur dekh rekh karti hai. Koi ladki jab pehali baar maa banti hai tab uske man mein shareer mein ho rahe badlaavo ko lekar aur pet me pal rahe bache ko lekar kafi sawal hote hai. Ghar mein jahan par bujurg mahilaye jaise saas, nanad, jethani ke hone se unke man mein uth rhe bahut se sawalo ka jawab unhe mil jaata hai. Par problem tab hoti hai jab pati patni apne ghar parivaar se door kisi aur jagah rehte hai aur pregnant women ka margdarshan karne wali koi bujurg mahila unke saath nahi hoti hai.

Best Pregnancy Care Tips In Hindi for Pregnant Women

 

Early Symptoms of Pregnancy

Jadatar mahilao ko pregnancy ke 3 mahino mein subah – subah ulti aane ki samasya sabse jada hoti hai . Early pregnancy symptoms mein jee machalna, ulti aana shaamil hai . Agar aapko isme se koi bhi lakshan dikhayi de to samajh lena chaahiye ki aap pregnant hai.

 

Agar aap ko early pregnancy symptoms mile hai to sab se pehle aap  pregnancy test kare, aap chahe to kisi doctor ke pass ja sakte hai ya fir pregnancy calculator ka bhi istemaal kar sakte hai.  Iss article mein hum kuch aise pregnancy care tips laye hai jo garbhavastha ke samay aap ke liye janana bahut jaruri hai.

 

Precautions During Pregnancy in Hindi – Garbhavastha Mein Saavdhaniya

 

1.  Pregnancy mein aapke shareer ki nase aur jodo ke bhaag kafi kamjor ho jaate hai, isliye aisa koi bhi kaam na kare jiski vajah se aapke shareer ke in bhaago ko koi nuksaan pahuche.

2. Garbhaavastha ke samay bhari vajan na uthaye, jaise paani ki baaltyi.

3. Pregnant women ko kabhi bhi apne dimaag mein kisi tarah ki tension na hone de.

4. T.V par hamesha ache program hi dekhe, jada darawne ya crime wale seriyal se garbhavastha ke samay door hi rahe.

5. Pregnant lady ko lambi heel wale sandal nahi pehanane chahiye, jitna ho sake flat chappal hi pehane.

6. Bahar ka khana na khayen jaise ki Pijja, burgar, chips ya koi fast food. Kyuki ye cheje puri tarah se shudh nahi maani jaati aur garbhaavastha mein shishu ko nuksan pahuncha sakti hai. Isliye jaruri hai ki aap pregnancy diet plan banaye.

7. Bina apne doctor ki salaah ke kisi bhi tarike ki medicine na le.

8. 18 weeks pregnant women ko yatra kam se kam karni chahiye. Bike, scootar par jahan tak ho sake na baithe.

9. Jada deer tak khade na rahe. Agar khana banane ke liye kicthan mein jada deer tak khada rehna padta hai to apne gas-chulhe ko niche rakhkar khana banana ka intejam kare.

10. Pregnancy Care Tips: Koshish kare ki aap kam se kam seedhiyo ka paryog kare. Agar aap ground floor par na rehkar upar ke floor mein rehte hai aur majburi mein aapko niche jana padta hai to koshish kare ki ek hi baar me aap apan sare kaam khatam kar le aur dubara aapko niche na aana pade.

11. Hamesha khule aur dhele dhale kapde hi pehne aur jada tight kapde na pehane.

12. Pregnancy ke dauran sharab na piye. Pregnancy mein sharab pene se bache ko kafi bemariya ho sakti hai.

13. Garbhavastha ke dauraan smoking karne se aur karne walo ko hamesha avoid kare kyuki ye garbh mein pal rahe bache ko nuksaan pahuncha sakta hai.

14. Pregnancy mein sharirik sambandh banate samay bhi bahut savdhani bartane ki jarurat hai.

15. Exercise During Pregnancy: Har roj halka vyayam jarur kare isse aapke swaasthy par kaafi acha assar padta hai aur aapko tanaav bhi kam karne mein madad milti hai . Pregnancy se judi hui classes le ya rojana 15 se 20 minute tak walking kare. Jada garmi se bachne ke liye ghar ke andar hi rahe.

16. Sone ka pura samay nikale. Pregnancy ke samay kam se kam 10 ghante ki neend jarur le. Aur agar aap raat mein thik se neend naa aaye to din mein sone ka prayas kare.

17. Pregnant women ko pairo aur takhne ki jalan aur sujan se mukti paane aur kamjori door bhagane ke liye pairo ko upar karke aaraam kare aur ho sakt to aaraamdaayak joote pehne .

18. Pregnancy Diet: Garbhavastha ke samay shareer mein kafi changes aate hai isliye aise samay mein ye jaruri hai ki aap sahi bhojan kare aur aisi sthitiyo se bache jinse aapke bache ka swaasthy khatre mein pad jaye.

19. Pregnancy ke dauraan apni saaf safayi ka dhyaan rakhe, apne kitchen ke farsh aur bartano ko kafi saaf rakhe, jisse ye aapke swaasthy ko nuksaan na pahuncha paye. Jab tak bartano ko garm paani se ache se na dhoya gaya ho tab tak inka prayog na kare, kyuki aisa na karne par bacteira (jeevaanu) ke usme lage rahne ke kafi chances hoti hai.

20. Achi yaade banaye. Iske liye aapko thodi mehanat karani padegi, par iska parinaam kafi sukhad hoga. Kai baar aisa bhi lagta hai ki pregnancy ka samay khatam hi nahi ho raha, par aapke liye khud ko ye vishvas dilana jaruri hai ki ye samay jaldi hi khatam ho jayega. Agar aap apani garbhaavastha ke samay ko yaadgaar banana chahti hai to positive thoughts par jada dhyaan lagaye.

21. Agar aap 18 weeks pregnant women hai to aap ko akele nahi rehna chahiye isliye kisi na kisi ko hamesha apne sath rakhe.

22. Aapko apani pregnancy ke starting kuch weeks mein kaafi takalifo ka saamana karana pad sakata hai. Aapko morning sickness ya isse jude koi aur samasyae pareshaan kar sakati hai, lekin in sabka ka ye matlab nahi ki aap dusaro ke saath rukhepan se pesh aaye. Sabke saath pyaar aur apanapan banaye rakhe jisse ki aapke bache ko koi takleef na ho.

 

Delivery ke Baad Kya Khana Chahiye

Prasav ke baad aesa khana khaye jo maa aur bache dono ko fayda kare. Jin cheejo mein jaruri nutritions ho unhe hi apne diet plan mein shamil kare. Fat wali cheeje aur tala hua masaledar junk food khane se bache.

  • Hari sabiya, taaje fal aur low fat wale diary products ka sevan kare.
  • Agar aap non veg kha leti hai to fish aur egg ka sevan kar sakti hai. Fish mein omega 3 adhik hota hai aur ande mein protein ki matra adhik hoti hai. Egg ke andar ke peele hisse mein fat aur cholesterol adhik hota hai isliye iska sevan kam kare ya na kare.
  • Daliya (oats) mein fibre aur iron adhik hota hai jisse pachan kriya majbut hoti hai aur sharir mein khoon adhik banta hai.
  • Palak mein bharpur poshak tatav hote hai jo khoon ki kami ko pura karte hai, haddiya majboot hoti hai. Palak ka soup bna kar aur sabji bana kar khaye.

 

Aap ko Best Pregnancy Care Tips In Hindi ka ye article aap ko kaisa laga hame comment mein jarur btaye. Aur agar aapke pass bhi kisi tarah ke Pregnancy Care Tips ho to yaha hamare sath bhi share kare.

You may also like...

24 Responses

  1. sanjeev says:

    Meri patni ke pregnency ka 1 mahina hai aur inka pet hamesa bhari bhari sa rahta hai, kuch khati hai to ulti ho jati hai, letring sahi nahi hoti hai hame kya krna chahiye

    • Govind says:

      Sanjeev ye lakshan bahut karno se ho sakte hai, sahi karan janne ke liye proper diagnose ki jarurat hai. Aap doctor se mile aur proper checkup karwaye.

  2. mohit kumar says:

    sir mari wife na test kiya hai to positive aa raha hai par sir ussa 2 months complete ho gai hai par saphadi aa gai hai app mujha bataya ki ma kya karu

  3. kishan says:

    sir .pregnancy test kitne din baad kra sakte hai.

  4. deepak says:

    sir meri wife ki pregnency ko 7 mhine complet hone vale h unhe pet me pain hota h kbhi kbhi or bchcha bhi moment km krta h or rat ko neend bhi nhi aati mai kya kru

  5. vikash kumar says:

    sir meri wife ne period miss hone ke baad cheq kiya to positive aaya but 5din bad bluding chalu ho gayi aur ultrasound ke baad report normal aayi kya karu

  6. shivali bindal says:

    sir mujeh 1 mnth pregancy h mujeh daily spott lgta h doctr ko b dikhaya no result is there. .. wht cn i do

  7. Jeegnesh says:

    Sar meri wife pregnet he 2 mhine huye he usko oopka oolti jyada rheti he Jo rat ko puri rat oolti krti rheti he puri rat nhi so pati or acdt rheti he to kya krna chahiye

  8. meena says:

    sir m 1:16 din se pregnant hu, mujhe kuchh bhi khane ya pine ka man nhi kr rha h, pairo m bahut dard ho rha h, bahut jaldi hi thakaan ho ja rhi h, mujhe kya krna chahiye jisse m pura pregnant time achhe se follow kr pau,

    plz help me

  9. neha says:

    Hello sir…..Mere ko completely two months ho ho gye h mai pregnant hu…..third month start h. Sir mere ko na to khana khane ko man krta h na kuch pine ko and upr se mere ko toilet ki jagha pe jalan ki problem aa rhi h….. Pllz sir suggest me something…….. Wot caN i do

    • Govind says:

      Neha pregnancy ki shuruat mein sharir mein kafi badlav aate hai jis wajah se khan paan aur mood par asar karta hai, aap apne doctor se regular samapark mein rahe aur body mein hone wale changes discuss kare.

  10. meena says:

    sir meri pregnancy ko 3rd month chal rha h aur mujhe first altrasound krwana h, to kya m altrasound se pahle kuchh khana ya chay pi skti hu ya nhi, kyuki mera ji bahut machalta h subah k time pe, aur m kuchh khaye ya piye bina khud ko achha mahsus nhi kr pati hu,

    plz help me ki mujhe kya krna chahiye?

    • Govind says:

      Meena ji ultra sound se pahle paani pina padta hai, aap se yahi salah hai ki doctor se ultrasound karwane ki appointment lete samay ye bhi janne ki aap kya kuch kha pi sakti hai.

  11. Anuradha says:

    hello sir mera 7th month pura ho gya hai or 8 month suru ho gya hai or mere pet me ruk ruk k dard ho rha hai or kamar me hmesha dard rehta hai plz btayiye aisa kyu ho rha hai or mujhe kya krna chahiye

    • Govind says:

      Anuradha ji prgnancy mein kamar par dabav padne ki wajah se kamar ki manspeshiya kamjor ho jati hai jisse dard ki shikayat hone lagti hai, pet dard ke solution ke liye doctor se consult kare.

  12. rajnish says:

    Sir meri wife ka pregnancy ka 8th month start hua hai sab kuch normal tha but 1 din ka usne fast rakha ar tabse pet bhari bhari rehta hai gas ki samsya hai

Leave a Reply

Your email address will not be published. Required fields are marked *

error: Content is protected !!