Chehre ki Charbi Kaise Kam Kare : 5 Tips to Reduce Face Fat

Chehre ki Charbi Kaise Kam Kare : 5 Tips to Reduce Face Fat

Chehre ki Charbi Kaise Kam Kare: Gaalo par motapa choti umar mein hi acha lagta hai, par umar badhne ke sath ye motape ki nishani ban jati hai. Face par fat hone par double chin dikhne lagti hai jo aaj kal log pasand nahi karte. Chehre ki bahut si kamiyo ko makeup karke chupaya ja sakta hai par ye samasya kisi bhi makeup se chupne wali nahi hai. Is lekh mein hum aap ko chehre ko patla karne ke upay bta rahe hai jinhe regular follow kar ke aap is problem ka ilaj kar sakte hai. Aaiye jante hai face fat reduce tips in hindi.

Face mota kai karno se ho sakta hai jese diet mein jada fat lena, pani kam pina aur kuch logo ka weight adhik hone par chehre par bhi dikhne lagta hai. Gaalo (chicks) ka wajan kam karne ka sab se aasan tarika hai apni puri body ka weight kam karna, sharir se fat niklega to face ka fat bhi kam hoga.

Chehre ki Charbi Kaise Kam Kare, Face Fat Reduce Tips in Hindi

 

Chehre ki Charbi Kaise Kam Kare : Face Fat Reduce Tips in Hindi

 

1. Khane Mein Fat Kam le aur Diet Control Kare

  • Agar aapka face pahle se hi bhari dikhta hai to khane mein vasa ki matra ghataye. Jada vasa sharir mein jama hone lagti hai isse chehra bhari dikhne lagta hai. Jada calories aur carbohydrates ke sevan se bhi bache.
  • Jo log jada fruits khate hai unka face patla hota hai kyuki fruits khane se sharir ko jaruri poshak tatav mil jate hai aur pet bhi bhara rehta hai jisse aap carbohydrates aur fatty foods khane se bach jate hai.
  • Agar aap apni diet mein jada namak, chini aur refined oil ka paryog karte hai to isse body mein paani jama hone ki sambhavna badh jati hai jisse chehra aur gaal fule hue dikhne lagte hai. Isliye aesi cheeje khaye jinme chini aur namak kam ho.
  • Sharab pine se bhi bache, iske sevan se bhi chehre par motapa badhta hai.

 

2. Yoga aur Exercises se Chehre Ko Patla Kaise Kare

Har roj kam se kam aadhe ghante ke liye yoga aur exercises karne ki aadat dale, isse aapka weight ghatega aur face par fat jama nahi hoga.

1. Yoga mein pranayam kare iske ilava facial muscles ke yoga sikhne ke liye baba ramdev ki videos dekh sakte hai.

2. Khul kar jor jor se hasna ek parkar ki facial exercise hai jisse chahre ki manspeshiya tight aur tone hoti hai. Isliye khul kar hasse.

3. Bacho ke khelne wala gubara (balloon) le aur usme hawa bhare, isse chehre ki muscles ki exercise hoti hai aur face patla hone lagta hai.

4. Chehre ki massage bhi kafi achi exercise hai. Facial massage se gaalo ki charbi ghategi aur chehra glow bhi karne lagega.

5. Chiwangum (babalgum) chabana ek tarike ki exercise hai, isse bhi mote face ko patla karne mein madad milti hai aur jabda bhi majboot hota hai.

 

3. Breakfast Karna na Chode aur Calcium ka Sevan Kare

  • Subah ka nashta sahi dhang se kiya jaye to sharir ka metabolism fast hota hai. Aksar hum fat burn karne ke liye dieting karne lagte hai aur khana pina chod dete hai, par aesa karne se metabolism slow ho jata hai jisse body mein fat jama hone lagta hai.
  • Calcium wali cheeje khane se fat reduce hota hai aur gaalo mein jama paani bhi khatam hota hai. Calcium ke liye doodh, dahi, daale, hari sabjiyan aur sea food kha sakte hai.

 

4. Mote Face ko Patla Karne ke Liye Pani Jada Piye

Paani body mein electrolytes ko thik karke dehydration ki samasya se bachata hai, aur sharir se vishale padartho ko bahar nikalne ka kaam bhi karta hai. Jada paani pine se wajan kam karne mein madad milti hai aur face ka aakar bhi thik hota hai.

Achi neend na lene se body mein harmon imbalance hote hai jisse wajan badhne lagta hai. Isse chehre ka fat bhi badhta hai, ialiye ye aruri hai ki aap puri neend le.

 

5. Hair Style Mein Badlav aur Makeup Kare

  • Agar aapke chehre par charbi jada hai ya fir face suja hua dikhta hai to ise aap hairs ke style se kuch had tak daba sakti hai, apne baalo ko aesa roop de jisse chehra mota na lage.
  • Chehre par blush laga kar bhi ise patla dikha sakte hai.

 

Kuch medicines ke sevan se bhi body mein paani jama ho jata hai, isliye jab bhi kisi bimari ke ilaj ke liye koi medicine le tab apne doctor se is bare mein bhi discuss kare taki vo aapko aesi dawaye de jisse aapka wajan na badhe.

 

Dosto is article mein btaye hue tips sirf face fat reduce ke liye hi nhi balki puri body ka weight loss karne mein upyogi hai. Aapko Chehre ki Charbi Kaise Kam Kare, Face Fat Reduce Tips in Hindi ka ye lekh kesa laga comment ke jariye btaye aur agar aapke pass motapa kam karne ke gharelu upay hai to hamare sath share kare.

You may also like...

6 Responses

  1. Soniya says:

    aapki website bhi kafi acchi hai ….

  2. md Arif says:

    Thank you for your help

  3. Gurpreet says:

    Achi hain apki website

  4. tanya says:

    ;..)tell me another tips for w8 nd face fat loose tips

  5. rajesh says:

    Nice webside

Leave a Reply

Your email address will not be published. Required fields are marked *

error: Content is protected !!