Dengu Bukhar Mein Kya Kare: Gharelu Ilaj aur Upay Hindi Me

Dengu Bukhar Mein Kya Kare: Gharelu Ilaj aur Upay Hindi Me

Dengue ke ilaj mein sab se pahle ye janana jaruri hai ki dengu bukhar mein kya kare. Duniya mein har saal dengu ki vajah se hazaro lakho logo ki mout hoti hai. Dengu ki bimari Aedes namak machhar ke katne se hoti hai. Ye machhar gande paani mein nhi balki saaf paani mein rehte hai. Paani ki tanki, drum ya fir cooler me pade hue paani mein ye machar apne ande dete hain. (Ayurvedic home remedies tips for dengue treatment in hindi).

 

Dengu Bukhar Mein Kya Kare

Dengue mein bukhaar bhut aata hai aur sharir mein platlets bhi kam ho jate. Dengue ke bukhar mein rogi ke sharer mein blood ki kami ho jati hai. Jadatar log is bimari ke hone par bhut ghabra jate hai. Par ghabrane ki jarurat nhi hai. Is lekh mein hum aapko dengue ke gharelu ilaaj ke sath sath dengue ke lakshan aur dengue se bachav ke bare mein jankari de rhe hai.

Dengu Bukhar Mein Kya Kare: Gharelu Ilaj,lakshan,bachav aur Upay Hindi Me

 

Dengue Bukhar Ke Lakshan

Agar dengue ke lakshan hame shurat mein hi pta lag jaye to hum samay rehte hi dengue ki bimari se bach sakte hai

  • Dengue ki bimari achanak teej bukhar ke sath shuru hoti hai, jiske sath sath teej sir dard hota hai, manspeshiyo aur jodo mein bhayanak dard hota hai. Iske alava sharir par laal chakte bhi ban jaate hai jo sabse pehle pairo pe fir chhaati par aur kabhi kabhi saare sharir par ho jaate hai.
  • Iske alava pet kharab ho jana, usme dard hona, kamjori, dast lagna, chakkar aana, bhukh na lagna bhi dengu bukhar ke lakshan hai.

 

Dengue Fever Hone Ke Karan

Jab kisi aadmi aurat ya bache ko dengue bukhar ho aur use koi machar kaat le tab us machhar mein bhi dengue ka virus chala jata hai tab agar wahi machhar kisi aur ko kaat le to usme bhi dengue ka virus chala jata hai.

 

Dengue Se Bachne Ke Tarike Aur Upay in Hindi

Dengue bukhar se kaise bache iski sahi jankari ho to hum kafi had tak dengue se bache reh sakte hai. Dengue ke roktham ke liye ye jaruri hai ki dengue ke machharo ke katne se bache aur in machharo ke failne par niyantran rakha jaye.

  • Machhro  ko niyantrit karne ke liye keetnashako ka paryog kiya jata hai. Machharo ko kaabu karne mein keetnaashak dhua kisi seema tak prabhavi ho sakte hai par machharo ko katne se rok dena bhi ek tarika hai. Is prajati ke machhar din me katate hai jisse mamala gambhir ban jata hai .
  • Pure kapde pehna kare aur raat ko machhadani ka prayog kare.
  • Ghar ke andar aur ghar ke aaspass kahi paani jamma na hone de.
  • Apne aaspass safayi ka pura dhyaan rakhe aur aap jahan paani ikatha kar ke rakhte hai use hamesha dhak kar rakhe.
  • Ghar mein machar marne ki coil ya machine jaise ki allout laga kar rakhe.
  • Tulsi ke paudhe ki sugandh se dengu ke machar bhaag jate hai. Isliye ghar mein tulsi ke paudhe jarur lagaye.

 

Allopathy Mein Dengue Bukhar Ka Ilaaj

  • Dengue ke ilaj ke liye allopathy mein koi dawa (medicine) nhi hai, aap chahe to dengue ke bukhaar mein sirf paracitamol le sakte hai.

 

Baba Ramdev ka Dengue Ka Gharelu Upchar – Dengue Ka Ayurvedic Upay

Baba Ramdev ka Dengue Ka Gharelu Upchar, Dengue Ka Ayurvedic Upay

  1. Dengu hone par bukhaar control nhi hota aur mareej ke platlets kam ho jate hai jo kai bar dubara chadhane par bhi fir se kam ho jate hai. Kai baar platelets ke ghatne se aur lagatar bukhaar ke rehne se mareej ki maut bhi ho jati hai. Yahi karan hai ki dengu ko ek jaan leva bimari kaha jata hai.
  2. Dengue Bhukhar Mein Kya Khaye: Alovera, Giloy, gehu ka javara, aur papite ke patto ka ras mila kar pine se 100% dengu thik ho jata hai. Aap yahi ras chikanguniya ke marij ko bhi pila sakte hai.Agar ye charo cheeje na mile to sirf giloy ka paani din me 3 baar pine se bhi dengu thik ho jata hai.
  3. Har roj subh sham giloy ka ras ghee mein ya shahad mein mila kar peene se sharir blood ki kami door hoti hai.
  4. Dengu Bukhar Ka Ramban Upchar: 1 gilaas paani mein thodi si giloy ko pees le aur usme 5-6 pattiya tulsi ki mila kar  ubaal le aur ek kadha bana kar piye. Iske sath 3 chamacah aloevera ka ras paani mein mila kar har roj piye to kabhi koi bimari nhi hogi, isme papite ke 3-4 patto ka ras mila kar din me 3 se 4 baar peene se platelet ki maatra jaldi se badhti hai. Ye dava dengue, swine flu aur chikanguniya mein raambaan ka kaam karti hai.
  5. Janiye Dadi Maa Ke Gharelu Nuskhe aur Upay

 

Dengue Ka Upchaar Homeopathic Medicine Se

Homeopathy se Dengue ka ilaj karne ke liye Rajiv Dixit ji ne niche likhi hui homeopathic dava lene ki salah dete hai. Rajiv Dixit ko aap ayurveda aur homeopathy ke expert bhi keh sakte hai. Unhone logo ko natural home remedies ke paryog ke baare mein jagruk kiya aur ye bataya hum kese ek swasth jivan ji sakte hai.

  1. Aconite – 200
  2. Bryonia – 200
  3. Arsenicum – 200
  4. Dulcamara – 200
  5. Belladonna – 200
  6. Rhus tox – 200

In sabhi davao ki 1-1 bund le kar aadha cup paani mein dale fir har 1 ghante baad usme se 1 chamach paani dengu ki marrej ko pilaye. Ye dava marij ki body mein blood ki kami bhi puri kar deti hai. Ye dava shuru karne se phle apne aas pass kisi homeopathic doctor se salah jarur le.

 

Dosto vese to ayurvedic aur homeopathic ilaaj ke koi side effects nhi hote fir bhi hum yahi salah dete hai ki kisi bhi bimari ke ilaaj ke liye apne najdiki ayurvedic aur homeopatic doctor ki salah jarur le.

Aap ko ye lekh (Dengu Bukhar Mein Kya Kare, Dengue Treatment in Hindi) kaisa laga hame jarur bataye aur sath hi apne anubhav bhi btaye. Aur agar aapke pass bhi ghar baithe dengue bukhar ke ilaj ke nuskhe aur upay ho to yaha hamare sath share kare. Aap ke daware share ki hui information dusro ke kaam aa sakti hai.

You may also like...

2 Responses

  1. roshani kashyap says:

    Sir, actually mere bhai ko fever hai 1 month se , uski report sari normal aayi hai , use thand lag kar fever chadta hai ,104temp aati hai abhi take theek nhi hua , uske bone marrow report kal aayegi plzzzz sir suggest kariye….kaafi pareshan hai.

    • Govind says:

      Roshani ji fever kai bimariyo mein ho sakta hai aur iska sahi karan to test se hi pta chal sakta hai. Aap fever ko kam karne ke gharelu tips apna sakte hai par bimari ka diagnose hona jaruri hai tabhi iska upchar sahi tarike se ho sakega.

Leave a Reply

Your email address will not be published. Required fields are marked *

error: Content is protected !!