Giloy Juice se Rogo ka ilaj Kaise Kare - Giloy Benefits in Hindi

Giloy Juice se Rogo ka ilaj Kaise Kare – Giloy Benefits in Hindi

Giloy ke Fayde Hindi Mein

Aajkal natural remedies aur gharelu nuskhe ki taraf logo ka rujhan badha hai. Aur jab baat aati hai ayurvedic tarike se kisi bimari ka ilaaj karne ki tab giloy ek aesi aushdhi hai jis ka naam sab se pahle aata hai. Ayurveda mein ise kai naam diye gaye hai, jese amrita guduchi, chakrangi, madhuparni. Is lekh mein hum giloy ke bare mein kuch aham jankari ke ilava ye bhi janenge ki alag alag bimariyo ke treatment mein ise kaise upyog kare aur health benefits of giloy in hindi.

Jin paido par giloy ki bel ugati hai unke gun bhi giloy mein aa jate hai, yahi wajah hai ki neem ke paid par lipti hui giloye utam aushadhi maani gayi hai. Aajkal market se bhi giloy ka powder, goliyaa aur syrep mil jata hai. Iske liye aap baba ramdev ya fir kisi pansari ki shop par ja sakte hai.

Giloy ke fayde, Giloy Health Benefits in Hindi

 

Giloy Kya Hai – Vibhin Rogo ka Ramban ilaj

Giloy ek bel hoti hai jo aapko paido (tree) par lipti hui nazar aayengi. Giloy ki bel ke patte paan ke patte (heart shape) jese hote hai. Aap giloy ki bel ko apne ghar mein bhi uga sakte hai, iske liye bel ko gamle mein lagaye aur kisi rassi se bandh de.

  • Giloy ayurveda ki sab se utam aushdhi hai jiska ras shareer ke anek parakar ke rogo ko thik karta hai.
  • Giloy ki bel ki har cheej gunkari hoti hai, aap iske patto ka ras, bel ka ras aur tanne ka ras bhi paryog kar sakte hai. Iski pattiyo mein calcium, protein, fasforas aur tane mein starch paya jata hai.
  • Isme antibiotic aur antiviral tatv hote hai. Ye body ki rogo se ladne ki shakti badhata hai
  • Giloy ki lata jivan shakti se bharpur hai, is lata ka chota sa tukda bhi jameen mein daal de to ye podha ban jati hai aur yahi karan hai ki ye ghar par gamle mein bhi aasani se ug jati hai.

 

Giloy ke Fayde – Giloy Health Benefits in Hindi

 

1. Khoon Saaf (Blood Purify)

Agar giloy ki bel ko pees kar uska ras subh subh khali pet paani ke sath piye to body mein blood saaf rahega aur kabhi bhi blood se related koi bimari nahi hogi.

 

2. Cancer

Giloy ki jadmein kafi powerfull antioxidant hota hai, ye cancer se bachav aur upchar mein kafi asardar hai. Gehu ke javare ka ras, giloy, tulsi aur neem ke 5-7 patte pees kar peene se cancer me bhi fayda hota hai.

 

3. Gathiya

Giloy ka churan shahad ke sath lene se cough aur sonth ke sath khane se gathiya jaisi bimariyo mein kafi aaram milta hai.

 

4. Remove Toxins

Rojana giloy ka sevan karne se sharer mein maujood vaishel padart jinhe hum free redicals kehte hai body se bahar nikal jate hai. Ek baar body detoxify hone par aap bimar kam padenge.

 

5. Heart Problems

Gloy high choloestrol ko kam karne aur blood mein sharkra ke level ko control karne mein madad karta hai aur sharer ko dil ki bimariyo se bachaye rakhta hai.

 

6. Weight kam kare

Motapa kam karne ke liye giloy aur trifla churan ko subh sham shahad ke sath le. Iske rojana paryog se motapa kam hota hai.

 

7. Giloy ke fayde – Body Weakness 

Agar shareer mein kamjoori ho to hafte mein 3 din gloy ka sevan kare aur iske sath thoda shahad bhi khaye. Isse kuch dino mein hi body active aur fit dikhne lagegi.

 

8. Blood ki Kami

Giloy body ki immunity badhta hai aur blood ki kami door karta hai. Agar shareer mein khoon ki kami ho to giloy ka ras shahad mein mila kar sevan kare.

 

9. Bawasir (Piles) ka Upchar

Matthe ke sath gloy ka 1 chammach churan subh sham lene se bawasir mein fayda milta hai.

 

10. Dengu ka Ramban ilaj

6 inch giloy bel, 4 tulsi ke patte, 3 paate pappite ke thoda sa alovera aur wheatgrass. In sab ko mila kar juice bana kar pine se body mein platlet ki maatra teji se badhti hai. Dengu, Chikanguniya, swine flu aur bird flu mein ye upay ramban ka kaam karte hai.

 

11. Jalan door kare

Hatho aur pairo ki jalan door karne mein gloy kafi faydemand hai. Gloy ke ras ko neem ke patte aur aawla mein mila kar ek kadha bana le. Rojana 2 se 3 baar is kadhe ko pine se haath pairo ki jalan thik hoti hai.

 

12. Bukhar (Fiver)

  • Bukhar ka ilaj karne ke liye gloy sabse badhiya ayurvedic aushdhi hai. Giloy ke ras mein shahad mila kar pine se bukhar thik ho jata hai. Agar bukhar tej ho aur khansi bhi ho to pipal ka churan bhi milaye.
  • Typhoid aur malaria ke treatment mein bhi gloy ka sevan fayda karta hai.
  • Giloy ke ras mein khaand mila kar pine se pit ka bukhar thik ho jata hai aur giloy ke ras mein shahad mila kar le to pit ka badhna ruk jata hai aur kabz bhi thik hoti hai.

 

13. Loose Motion

Agar pet kharab hai aur dast lage hue hai to giloy ko pees kar uska juice piye. Kuch der mein hi dast ki samasya se chutkara mil jayega. Iske ilava gloy pet ki bimariya, kabz, gas ke ilaj mein bhi upyogi hai.

 

14. Khujli ka ilaj

Khujli hone ka karan hai khoon kharab hona. Agar blood ki impurities nikal jaye to khujli bhi thik ho jayegi. Iske sath giloy ka juice shahad ke sath piye aur gloy ke patto ko haldi ke sath pees kar khujli wali jagah par lagaye.

 

15. Kaan Dard ka Upay

Din mein 2 baar gloy ke ras ko kaan mein dalne se kaan ka mail nikalta hai aur gloy ki pattiyo ke ras ko gunguna kar ke kaan mein dalne se kaan dard ka ilaj hota hai.

 

16. Ulti (Vomiting)

Garmiyo mein kai baar ulti  ki shikayat hoti hai. Agar ulti ki problem ho to gloy ke ras mein mishri ya fir shahad mila kar din mein 2 baar piye.

 

17. Piliya (Jaundice)

Jaundice ke treatment ke liye 1 chammach gloy ka churan, kaali mirach aur 1 chammach trifla churan shahad mein mila kar chaate. Ya fir giloy ke patto ka 1 chammach ras 1 glass matthe mein mila kar subh pine se piliya thik hota hai.

 

18. Banjhpan Ka Upchar

Giloy aur ashvgandha ko doodh mein paka kar khilane se baanjhpan se mukti milti hai.

 

19. TB ka upay

TB ke patient ko giloye ka ras shahad aur ilaychi ke sath sevan karna chahiye.

 

20. Chehre ko Sundar Banane ke liye Giloy

  • Agar aapke chehre par pimples aur jhuriya hai to giloy ko pees kar ek leep bana le aur chehre par lagaye. 15 minute ke baad chehre ko thande paani se dho le. Isse chehre par padne wale wrinkles aur daag dhabbo ke nishan kam ho jayenge. Iske ilava giloy ka paani pijiye taaki aap ka khoon saaf rahe aur pimples na nikle.
  • Agar aapki tavacha fatati hai to fati tvacha ke upchar ke liye gloy ke tel ko doodh mein mila kar garam kar le aur thanda hone par skin par lagaye. Isse skin soft aur saaf hoti hai.

 

Ek chammach giloy ka ras barsat ke mausam mein har roj piye to kisi bhi bimari hone ki aashanka 50% tak kam ho jati hai.

 

Agar aap puri life swasth fit rehna chahte hai to hafte mein kam se kam ek baar gloy ka juice jarur piye aur iske health benefits le.

 

Dosto Giloy Juice se Rogo ka ilaj Kaise Kare, Giloy Health Benefits in Hindi ka ye lekh aapko kaisa laga hame comment kar ke bataye aur agar aap ki pass koi sujhav, upay ya aap kuch giloy ke fayde jante hai to hamare sath share kare.

You may also like...

3 Responses

  1. Rachna says:

    very Helping post..
    apki website ka look and field bahut hi impressive hai.

  2. harish chand says:

    Mein Giloy ka juice saptah mein ek baar pita rahta hun, isse sarir bilkul fit rahta hai. maine bukhar hone par kai baar piya, bukhar turant theek hota hai. giloy ke ras va juice ko hamesa pite rahna chahiye.

Leave a Reply

Your email address will not be published. Required fields are marked *

error: Content is protected !!