Gym Mein Workout Karne se Pahle aur Baad Kya Khaye

Gym Mein Workout Karne se Pahle aur Baad Kya Khaye

Fitness pane aur achi body banane ke liye bahut se log ghar par ya gym ja kar workout aur exercises karte hai par fir bhi unhe manchahe result nahi mil pate. Iska sabse bada karan workout karne ke sahi tarike aur diet ki jaruri jankari na hona hai. Ye baat to sab jante hi hai ki jitna jaruri muscles ka workout karna hai utna hi jaruri diet mein healthy food khana bhi hai. Par bahut se log is baat par dhyaan nahi dete ki gym mein workout se pahle kya khaye aur baad mein kya khana chahiye. (Pre and post workout diet tips in hindi.)

Fat kam karna ho, badhana ho, six packs body banani ho ya fir strength gain karni ho aapke diet plan ka aham role hota hai jisme protein, carbohydrates aur fat ka santulit matra mein hona jaruri hai. Jis tarah ek machine ko sahi tarike se kaam karne ke liye fuel ki jarurat hoti hai thik usi parkar body ko bhi sahi tarike se kam karne ke liye achi diet ki jarurat hoti hai. Is lekh mein hum janenge gym mein workout karne se pahle aur baad mein kya khaye.

Workout se pahle kya khaye, Gym karne ke baad kya khaye

 

Workout se Pahle aur Baad mein Khane ke Fayde

Gym jane se pahle aur aane ke baad ka khana gym mein karne wale workout ko effect karta hai. Muscles workout se pahle khane par body mein exercises karne ki energy aati hai jo gym mein aapki performance badhati hai. Gym mein mehnat karne par aapki body ki energy kharch hoti hai jiski bharpai karne ke liye workout ke baad kuch healthy khana bhi jaruri hai. Agar isme laparwahi bartenge to sharir mein kamjori aane lagti hai.

 

Workout se Pahle Kya Khaye : Pre Workout Food Tips in Hindi

 

Gym mein mehnat karne par paseena aata hai jis se dhere dhere body ka energy level bhi down hone lagta hai isliye workout se pahle kuch aesa jarur khaye jisse workout ke time sharir ka energy level bana rahe aur thakan mehsus na ho. Is baat ka bhi dhyan rakhe ki aap jarurat se adhik na khaye.

Gym jane ke aadhe se ek ghante pahle aese foods khane ki jarurat hai jisse aap ko jaldi energy mile. Aadhe se ek ghanta pahle khane par khaya hua food energy release karne lagta hai jiska benefit aapko gym mein milta hai.

Workout se pahle kuch khana jaruri hai iska matlab ye nhi ki junk food khaya jaye. Gym jane se pahle agar sahi time par sahi cheej khayi jaye to ache results milte hai. Workout exercises na to sirf khali pet karna chahiye aur na hi pet bhar khana khane ke baad karna chahiye.

  • Frutis mein kela, seb ya fir fruit salad kha sakte hai.
  • 1 se 2 boiled egg kha sakte hai, ande se peele wale hisse ko nikal kaar khaye.
  • Doodh, akhroat aur badam mein kai parkar ke poshak tatav hote hai, isse body mein energy aati hai.
  • Gym jane se pahle brown bread se bana sandwitch kha sakte hai, isme carbohydrates aur protein hote hai.

 

Gym Mein Workout Karne ke Baad Kya Khaye

Gym mein aap ki mehnat ka benefit tabhi milega jab aap exercises karne ke aadhe se ek ghante ke andar kuch healthy food kha le aur agar ye food protein se bharpur ho to aur bhi acha hai.

Workout karne ke baad body ki maramat shuru ho jati hai isliye gym ke baad ka pahla khana important hota hai jo muscles ko repair hone aur energy gain karne mein madad karta hai. Gym karne ke baad aadhe se ek ghante ke andar kuch khana chahiye.

  • Oatsmeal, kela.
  • Protein shake, fruit smoodi.
  • Fruits, bina malayi wala doodh.
  • Badam, chuhare, kishmish jese dry fruits.
  • Beans aur ankureet kiye hue chane mein protein adhik hota hai.
  • Agar aap non veg khate hai to grilled chicken, ande ki safedi, salmon fish kha sakte hai.
  • Workout ke baad protein wale shake, food aur natural carbohydrates wale food kha sakte hai.

 

Pre and Post Workout Diet Tips in Hindi

Kuch logo ka kehna hai ki workout karne se pahle aur baad mein khane pine se weight badh jata hai, par sach to ye hai ki jab tak aap jarurat ke anusar hi calorie le to weight nahi badhega.

Workout karne ke bad kya kha sakte hai aur kya nahi ye is baat par bhi depend karta hai ki aap gym kab jate hai – subah ya sham ko. Agar aap sham ko gym jate hai to workout ke baad carbohydrates wali cheeje kam khaye.

Agar aapka weight kam hai aur sharir dubla patla hai to gym se pahle kuch kha kar jaye nahi to body mein weakness aa sakti hai.

  • Workout karne par sharir se paseena niklta hai jisse paani ki kami hone ki sambhavna rehti hai. Body ko hydrate rakhne ke liye jaruri hai ki paani adhik matra mein piye. Workout karne ke bad gym se niklne se pahle ek glass paani jarur piye aur workout ke time bhi beech beech mein thoda paani piye. Pani pine se jaldi thakan nahi hogi.
  • Kele khane se itni energy milti hai ki ache se workout kar sake, workout karne ke 30 se 45 minute pahle 2 kele kha sakte hai.
  • Oatsmeal mein fiber adhik hota hai jo exercises ke time par energy ka level boost karta hai.
  • Ubale hue aaloo mein carbogydrates hota hai ise khane se body ko energy milti hai.
  • Gym jane wale logo ko din mein 1 chammach desi ghee khana chahiye.

 

Dosto Gym mein workout se pahle kya khaye aur workout karne ke baad kya khaye ka ye lekh aap ko kaisa laga hame comment karke bataye aur agar aap ke pass achi body banane ka diet plan ya diet chart ki koi jankari hai to hamare sath share kare.

You may also like...

9 Responses

  1. बहुत ही बेहतरीन और सेहतमंद लेख की प्रस्‍तुति। देख कर अच्‍छा लगा लगा कि आपने इस पर अच्‍छा SEO भी करके रखा हुआ है। ऐसे ही लिखते रहिए जनाब। सफलता अवश्‍य मिलेगी।

  2. deepak says:

    thank u very much…

  3. prashant says:

    Very nice information for everyone

  4. kapil katariya says:

    hello sir mai ye puchna chahta hu ki workout ke baad healthy food khane ke bhi baad hume kitni der baad bhojan karna chahiye.

    • Govind says:

      Kapil ji workout ke baad kuch healthy khana jaruri hai uske bad aap kabhi bhi bhojan kar sakye hai, is bare mein apne trainer se bhi salah le sakte hai.

  5. Wrushabh says:

    Sir gym marni subah achi hoti hai ya sham me

  6. priyam Nayak says:

    mai dugna patla hunn mai 2 mahine see gym jaa raha hunn lakin mera waight nahi badh raha hai kya karu….

  7. sabir says:

    sir im going fr gym in night & i want vry soon to improve my body .& i want to eat .kaju & badam .whn shld i eat it.. pls hlp sir ..

Leave a Reply

Your email address will not be published. Required fields are marked *

error: Content is protected !!