Kaan Dard ka Upay 5 Minute Mein: Ear Pain Home Remedies in Hindi

Kaan Dard ka Upay 5 Minute Mein: Ear Pain Home Remedies in Hindi

Kaan Dard ka Upay: Dard chahe sir mein ho ya pet mein, shareer mein dard kahi bhi ho vyakti pareshaan ho jata hai. Kaan mein dard (Ear Pain) jadatar chote bacho ko hota hai. Agar chote bacho (kids) ya bado ko kaan dard ki problem ho to sabse pahle dard ka kaaran pata lagana jaruri hai kyuki aksar hum kaan mein dard hone ka kaaran nahi samjh paate aur galat treatment karte rehte hai. Aaiye jaane kaan dard ke ilaj ke gharelu nuskhe. (Home Remedies for Ear Pain.)

Kaan Dard ka Upay, Ear Pain Home Remedies in Hindi

 

Kaan mein Dard ka Kaaran (Causes)

  • Kaan mein meel(wax) ka jama hona.
  • Kisi cheej se kaan khujane par.
  • Kaan mein kisi kide ke ghusne se.
  • Sardi jukam lagne se.
  • Kaan mein paani jaane se.
  • Kaan mein koi infection hona.
  • Kisi allergy se.

 

Kaan ke Rog ke Lakshan

  • Ear mein khaarish hona.
  • Kaan mein lagatar dard hona.
  • Sunayi kam dena.
  • Bar bar kaan sun pad jana.

 

Kaan Dard ka Upay : Ear Pain Home Remedies in Hindi

1. Kele ka Tanna: Kaan mein chahe kitna bhi dard ho kele(Banana) ke tanne ko cheel kar uska ras nikal le aur raat ko sone se pahle kaan mein daale. Subh tak kaan ka dard bilkul thik ho jayega. Ye upay kaan ki dusri bimariyo mein bhi kaafi kaargar hai.

2. Tulsi: Tulsi ke taaje patto ko pees kar ras nikale aur iski kuch boonde kaan mein daale. Din mein 2 se 3 baar tulsi ke ras ka upyog karne se kaan ka dard aur infection door hota hai. Agar kaan mein koi jakham ho tab bhi ye upay aaram karta hai.

3. Neem: Neem ke patto ko pees kar unka ras nikal le aur uski 2 se 3 boonde kaan mein daale. Neem kisi bhi tarah ke pain aur infection ka treatment karne mein fayda karta hai. Neem ka tel bhi kaan ke upchar ke liye ayurevedic dawa hai. Cotton ko neem ke tel mein dubo kar kuch boonde kaan mein daale aur cotton ko kuch der ke liye kaan mein laga de.

4. Lehsun: Lehsun mein antiseptic aur antibiotic gun hote hai jo dard aur infection kam karne mein bahut fayda karta hai. Lehsun ki 2 se 3 kalliyo ko pees kar sarso ke tel mein garam kar le aur thanda hone par tel chaan le. Ab is tel ki 2 se 3 boonde kaan mein daale. Aap chahe to lehsun ko pees kar iska ras bhi kaan mein daal sakte hai. Is upay se ear pain turant thik hoga.

5. Jaitun ka Tel: Kaan mein dard hone par jaitun ka tel (olive oil) raamban ilaj ka kaam karta hai. Olive oil kaan mein aasani se chala jata hai. Kaan mein infection ya sunpan door karne ke liye jaitun ke tel ko halka garam karke 3 se 4 boonde kaan mein daale ya fir ek cotton ko oil mein bhigo kar kaan mein daale. Agar aapko olive oil na mile to sarso ke tel ka istemaal kare.

6. Adrak: Adrak mein dard ko kam karne ke natural gun hote hai. Adrak ko pees kar jaitun ke tel mein daal kar gunguna kar le aur thanda hone par chaan le. Ab is ras ki 2 se 3 boonde kaan mein daale. Is upay se kaan mein jhanjhanahat aur khaarish bhi door hoti hai. Adrak ke ras ki kuch boonde seedha kaan mein dalne se bhi dard (ear ache) mein relief milta hai.

7. Aam ke Patte: Aam ki pattiyo ko pees kar unka ras nikal le aur use halka garam kar le. Is ras ki 2 se 3 boonde kaan mein daale, dard mein turant aaram milega.

8. Pyaaj: Ear pain ki problem ke solution ke liye pyaaj ka upyog kaafi benefit karta hai. Pyaaj ko tad kar iska ras nikale, ab 1 chamach pyaaj ka ras le aur ise halka gunguna kar le. Is ras ki 2 se 3 boonde kaan mein dalne se kan ka dard turant kam hota hai.

9. Garam Paani: Sardi mein thand ke kaaran bhi kaan dard hone lagta hai, aese mein kisi bottle mein garam paani bhare aur uspar koi kapda ya towel lapeet kar kaan ke pass rakh kar sikayi kare. Kuch hi der mein kaan dard se nijaat milegi.

10. Mulli: Mulli ko barike kaat kar iske tukdo ko sarso ke tel mein garam kar le aur thanda hone par kaan mein daale. Is nuskhe ke paryog se kan se meel nikalti hai aur dard door hota hsi.

 

Kaan Dard ka ilaj Karne ke Dadi Maa ke Nuskhe

  • Mulethi ko ghee mein halka garam karke kaan ke aas pass leep karne se dard mein foran aaram milta hai.
  • Sarso ke tel mein ajwain ka tel milakar halka garam karle aur kaan mein daale. Ajwaine ka tel Sarso ke tel ka ek tihayi hissa homa chahiye.
  • Tel mein metthi ke daane daal kar garam kar le aur thanda hone par chaan ke kaan mein daale. dard mein turant aaram milega.

 

Gharelu upaye se kaan ka dard, infection, sunapan, jhanjhanahat, jakham ko jaldi thik karne mein madad milti hai aur ye upay chote bache ke liye bhi hai aur bade logo ke liye bhi. Agar kaan mein dard lagaatar badh raha ho to kisi doctor ko jarur dikhaye.

Dosto gharelu nuskhe se kaan dard ka upay (Ear Pain Home Remedies in Hindi) karne ke apne anubhav hame jarur bataye aur agar aapke pass bhi koi safal upay ho ya koi sujhaav ho to hame comment kar ke bataye. Is website par hum home remedies ke ilaava baba ramdev aur rajiv dixit ke btaye huye ayurveda aur homoeopathy tips bhi share karte hai.

You may also like...

18 Responses

  1. akash negi says:

    thankuuu gggg

  2. Ravinder says:

    Sir mere kaan me sa sa ki awaz aati hai aur bimari 1 saal se hai please kuch ilaj bataye

  3. Matt Baier says:

    sir mere kaan mai dard bar bar uth ata h . doctor se pta kiya to wo bola zhakham hai ander plz btao mai kya kru

  4. Amardeep says:

    Sir mere kaan me 1 month se dard hai. Meine doctor ko dekhaya toh wo bole aapka 32wah danth nikal raha hai isliye apke kaan me dard hai.fir meine dentist ko apna danth dekhaya to woh mujhe paracetemol aur amoxycillin prescribe kiye.lekin dard avi v hai

    • Govind says:

      Dost agar aap ko bhi lagta hai ki ye dard sirf dant nikalne ki wajah se ho rha hai to jesa doctor ne btaya karte rahe aur agar aspko doubt hai to kisi dusre doctor se checkup karwaye aur 2nd opinion le.

  5. amit says:

    Sir mere ghr me 9 saal ki ladki hi,uske right side ear me bhut pain hota hi,so plzzz give me suggestion hurry

  6. sneha says:

    Sir mere kaan me sansanahat ki awaj ati h or kaan bhari v lgta h..nd same prob meri maa ko v h.. doct ko xikhae to wo bola kaan me chhed h..or iska koi ilaj nhi h..plzz ap kuchh kuchh suggest kro jldi se…

    • Govind says:

      Sneha aap ek bar kisi dusre ear specislist se 2nd opinion le aur agar unka bhi yahi opinion hai to aap kisi ayurvedic chiktsik se mile aur salah le.

  7. rizwan says:

    Sir mere kan me jukham ki wjh se drd ho rha h plz aap mujhe suggest kre mai kon sa remedies apply kru drd se nijat pane k liye..

  8. Ayesha says:

    2 din sa mara khan mein dard ha khan mein kuch chala Gaya ha aisa lag raha ha

  9. Nicky says:

    Dear Sir
    Namsate Sir Mughe Sunne main bhut problem hoti hai plz koi pakka ilaz btaye mene bhut si medicine li but koi responde nai mila ab meri problem zyzda ho gyi hai so plz help me urgently

Leave a Reply

Your email address will not be published. Required fields are marked *

error: Content is protected !!