Aankho ke Dark Circles Dur Karne ke 7 Aasan Upay Hindi Mein

Aankho ke Dark Circles Dur Karne ke 7 Aasan Upay Hindi Mein

Sundar aankhe chehre ki khubsurati bdha deti hai aur agar aankho ke neeche kale ghere (dark circles) ya jhuriyan ho jaye to chehra fika dikhne lagta hai. Aankho ke niche ki skin kafi soft hoti hai aur ispar kale ghero ka aana kisi bimari ya fir mansik tanav ke lakshan bhi ho sakte hai. Is lekh mein hum janenge dark circles hatane ke upay gharelu tarike apnakar kaise kare. Vese to kuch beauty creame ke paryog se bhi isse chutkara paya ja sakta hai par gharelu nuskhe paryog karne ka sabse bada fayda ye hai ki iske side effects na ke brabar hai aur ye mehnge bhi nahi hai. Aaiye jane Eye Dark Circle Remove Tips in Hindi.

Dark Circles Hatane ke Upay aur Gharelu Nuskhe Hindi Mein

 

Dark Circles Kyu Hote Hai

  • Computer par jada der tak kaam karna.
  • Skin dry hona.
  • Jada rona, puri neend na lena.
  • Sharirik aur mansik tanav hona.
  • Kam paani pina aur healthy diet na lena.

Agar aapki aankho ki roshani kamjor hai aur aap kisi chashme aur lens ka paryog nahi karte to dekhne ke liye aankho par jada jor padta hai jisse aankho ke niche kale ghere aane lagte hai.

 

Dark Circles Hatane ke Upay aur Gharelu Nuskhe

Eye Dark Circle Remove Tips in Hindi

 

1. Gulab Jal 

Face ko fresh rakhne mein gulab jal ka paryog utam hai, iske ilava dark circles hatane ke liye bhi iska istemal kar sakte hai. Rui ko gulab jal mein bhigo kar aankho ke charo aur lagaye aur 10 se 15 minute ke liye chod de aur baad mein dho le. Kuch din lagatar ye upay karne se chehre par glow aane lagta hai aur kale ghere gayab ho jate hai.

 

2. Paani Adhik Piye

Paani skinn ko hydrate rakhta hai jisse skin healthy aur fresh rehti hai. Chehre ke dark circles ya kisi aur samasya se bachne aur ilaj ke liye sabse jaruri hai ki paani adhik maatra mein piye.

 

3. Tea Bag

Dark circles khatam karne ke liye tea bag ka paryog bhi kar sakte hai. Tea bag ke paryog ke baad ise freeze mein rakhe aur paryog karne se kuch ghanto pahle ise freeze se bahar nikal kar rakh de taki ye room temperature tak aa sake. Iske baad ise kale ghero par lagaye.

 

4. Tension Kam aur Neend Puri le

Jada tension lene aur neend puri na hone ki wajah se bhi eyes ke niche kale ghere aane lagte hai, isliye jaruri hai ki aankho ko aaram de aur puri neend le.

 

5. Kheera

Aapne aksar TV mein aese log dekhe honge jo kisi beauty parlour mein jate hai aur unki eyes par khere ki slice rakhi hoti hai. Khere mein skin cleanser ke gun hote hai jo aankho ke ghero ko khatam karne mein help karte hai. Khere ki slice ke ilava khere ke ras se bhi dark circles par massage kar sakte hai.

 

6. Badam ka Tel

Raat ko sone se kuch der pahle badam ke tel se aankho ke charo taraf halki malish kare, isse tavacha mein khichav aayega, jhuriya kam hongi aur dark circles bhi saaf honge.

 

7. Shahad

Ek chota chammach shahad mein ek chauthayi chammach aaloo ka ras, ek chauthayi chammach kheere ka ras aur 2 boonde badam ka tel daal kar ek face pack bna le aur 15 se 20 minute ke liye aankho ke charo taraf lagaye fir paani se dho le. Hafte mein 1 se 2 baar is upay ko karne se dark circle saaf honge aur aankhe khubsurat dikhne lagengi.

 

Aankhon ke Neeche Kale Ghere Hatane ke Jaruri Tips

  • Sone se pahle makeup utar de aur agar aankho mein kajal lga hai to use bhi wash kare.
  • Aankho ke niche ki tavacha kaafi komal hoti hai isliye dhoop se skin ko bachaye.
  • Agar makeup ka paryog kare to achi company ka makeup use kare.
  • Kisi bimari se lambe samay tak grast ho tab bhi dark circle ho jate hai, par sahi dekhbhal se ise jaldi thik kar sakte hai.
  • Smoking aur sharab pine se bhi aankho ke niche kale ghere aane lagte hai, isliye khane pine ki galat aadto se door rahe aur healthy lifestyle apnaye.
  • Din mein 2 se 3 baar ankho ko saaf paani se jarur dhoye.
  • Doodh ke paryog se bhi dark circle se bacha ja sakta hai, freeze mein rakhe thande doodh mein rui bhigo kar aankho ke ass pass lagane se dark circles se bache reh sakte hai.
  • Subah muh mein paani bhar kar aankho mein thande paani ke chinte mare, isse ankho ko thandak milegi aur aankho ki roshni badhegi.

 

Dosto Dark Circles Hatane ke Upay, Eye Dark Circle Remove Tips in Hindi ka ye lekh aapko kaisa laga hame comment ke jariye bataye aur agar aapke pass aankho ke neeche kale ghere dur karne ke gharelu nuskhe hai to hamare sath bhi share kare.

You may also like...

4 Responses

  1. Sabina says:

    Apka post lazawab hai.
    Keep it up 🙂

  2. m.nadeem says:

    apki post zyada pdhte he iski ek wjh ye bhi he ki puri post mail me hoti he so website click krne ki aals ki wjh se post pdhte nai log…,so ye site ke post mail pr pdhna psnd kiya jata hai.., n ap roz mail kre to ok rhega…,shbba khairrr

  3. Akhtar says:

    Mere aankho k neeche kafi kaale ghere h or y Kabhi Khatam Nani hote so plz tell me about it.

Leave a Reply

Your email address will not be published. Required fields are marked *

error: Content is protected !!