Malaria se Bachne ke 10 Upay: Malaria Prevention Tips in Hindi

Malaria se Bachne ke 10 Upay: Malaria Prevention Tips in Hindi

Malaria se Bachne ke Upay: Agar aap ko malaria ke lakshan dikhayi de rahe hai to turant blood test karwaye aur treatment shuru karne se pahle confirm kar le ki ye malaria hi hai ya koi aur bimari hai. Agar test report mein malaria ki pushti ho jaati hai tab aap iska upchar shuru kare.

Isse pahle article mein humne jana ki malaria ke lakshan aur karan kya hai aur kaise ayurveda aur home remedies ke upyog se malaria ka ilaj kare. Is lekh mein hum janenge malaria se bachav kaise kare.

 

Malaria se bachne ke upay, malaria prevention tips in hindi

 

Malaria se Bachne ke Upay – Malaria Prevention Tips in Hindi

Agar aap apne parivar ko malaria aur dengu jesi bimari se bachaye rakhna chahte hai to sabse pahle jaruri hai ki macharo se bachne ka upay kare.

  1. Malaria ka infection machar ke katne se hota hai isliye koshish kare ki malaria ko failane wale machar aapke ghar ke aas pass na aaye.
  2. Ghar ke andar aur bahar paani jama na hone de.
  3. Kisi bartan mein paani rakhe to use kisi cheej se dhak de aur jab bartan khaali kare to use ulta kar ke rakhe.
  4. Machar bhagane ke liye ghar mein kisi kitnasahak ka chidkaav kare.
  5. Cooler ke paani ko har roj badle aur jab cooler ki jarurat na ho tab isme se paani nikal de aur kisi kapde se cooler ko ache se sukha de.
  6. Ghar ke aas pass kisi gadhe mein ya fir kachre mein paani jama na hone de, aur agar paani jama hota hai to usme mitti daal de.
  7. Raat ko machardaani ke andar soye ya fir sone se pahle macharo se bachne ki cream lagaye.
  8. Apne aas pass ke logo ko bhi malaria se bachne ke liye jaagruk kare, taki ghar ke aas pass bhi saaf safayi rahe.
  9. Agar aapke mohalle mein kisi ko dengu bukhar ya fir malaria hua ho to turant health department ya nagar nigam ko iski jaankari de aur unhe apne area mein keetnashak ka chidkaav karne ke liye salah de.
  10. Agar aapke ghar ke aas pass gadhe hai to unhe mitti se bhar de kyuki baarish ke dino mein in gadho mein paani jama hone lagega aur isi paani mein machar panapne lagenge jinse khatra ho sakta hai.

 

Malaria ka ilaj Hindi Mein

  • Malaria jese health diseases ke treatment ke liye doctor chloroquine ki medicine dete hai jinhe anti malarial dawa bhi keh sakte hai. In dawao ke side effects bhi ho sakte hai, is liye doctor ki salah ke bina in dawao ko na le.
  • Rogi ke shareer mein paani ki kami na ho iske liye use jada liquid lena jaruri hai jese ki nimbu paani, lassi, nariyal paani ya fir fruit juice.
  • Patient ko jada se jada aaram karna chahiye aur doctor ki salah se rogi ko har 6 ghante baad Paracetamol medicine de.

Jane Malaria ke ilaj ki Home Remedies

 

Malaria aur dengu bukhar jesi kai bimariyo mein logo ki maut khoon aur platelet ki kami se hoti hai isliye hum aap ko ye salah karte hai ki saal mein kam se kam 2 baar blood donate jarur kare, taki jarurat padne par kisi ko blood ki kami na ho.

 

Dosto malaria se bachne ke upay, malaria prevention tips in hindi ka ye lekh aap ko kaisa laga comment kar ke bataye aur agar aapke pass malaria bukhar ke gharelu nuskhe ya koi sujhav hai to hamare sath bhi share kare.

You may also like...

Leave a Reply

Your email address will not be published. Required fields are marked *

error: Content is protected !!