Jaldi Muscles Banane ke 7 Jaruri Body Building Tips Hindi Mein

Body ki Muscles Kaise Banaye: Achi body banane ke liye aksar log gym mein aur ghar par mehnat karte hai aur healthy diet lete hai par fir bhi unhe kamyabi nahi mil paati. Six pack attractive body banane ke liye jaruri nahi ki aap kamar tod workout aur exercise hi kare. Body muscles banana hai to mehnat aur knowledge dono ki jankari hona jaruri hai. Sahi tarike aur right technique se exercise karne ke sath sath agar aap kuch tips ka bhi dhyan rakhe to aapki mehnat kharab nahi jayegi aur aap bhi strong muscles wali fit body bana sakte hai. Kyu Kyu Kaise ke is lekh mein hum janenge muscles banane ke tarike, body building tips in hindi.

Muscles Kaise Banaye, Muscles banane ke tips in hindi

 

Muscles Kaise Banaye : Muscles Banane ke Upay in Hindi

 

1. Weight Balance Kare

Agar aapki body ka wajan jada hai to pet mein jama charbi kam kare aur motapa control karne par dhyan de. Muscles size bdhane se pahle aapko apni body ke weight balance karne ka plan banana chahiye.

 

2. Muscles ki Stretching Kare

Muscles strong banane ke liye stretching karna kafi faydemand hai. Stretching karne se muscles relax hoti hai jisse workout karne ki strength badhti hai aur ache results milte hai. Stretching karte waqt ek baat ka dhyan rakhe ki stretching dhire dhire aaram se kare, jaldi karne par koi injury hone ke chances hote hai aur muscles bhi pain karne lagti hai.

 

3. Workout Warmup

Chahe aap gym jate hai ya ghar par body banane ke liye upay karte hai, shuruaat hamesha warmup se kare. Warmup karne se body workout karne ke liye tyaar ho jati hai isliye 10 se 15 minute ka warmup karne se muscles workout shuru kare. Warmup karne ke liye aap jogging aur walk kar sakte hai.

 

4. Cardio Exercise Kare

Achi body banana ke liye muscles workout ke sath cardio exercise bhi kare. Agar aap ache se cardio karte hai to aapko workout karne ka fayda jaldi milta hai. Cardio ke liye aap swimming, running, cycling jesi exercise kar sakte hai.

 

5. Free Weight Workout

Gym mein muscles banane ki machine par workout karne ke liye free weight exercise kare, matlab machine par bina weight dale use kare. Isse muscles exercise ki range badhane aur jaldi result lane mein madad milti hai.

 

6. Muscle Banane ke Liye Kya Khaye

  • Mucles size bdhane ke liye protein sabse jaruri hai. Par sirf protein lene se benefit nahi milega, protein ke ilava vitamins, minerals, fibers aur carbohydrates bhi important nutrition’s hai.
  • Bodybuilding ke liye apni diet mein fruits, hari sabjiya, daale, doodh aur machli ka sevan kare aur fast food khane se bache.
  • Healthy food ke sath sath paani bhi adhik matra mein piye. Isse muscles hydrate rakhne ki energy milti hai aur sath hi body ka digestion bhi acha rehta hai.

 

7. Injury na hone de

Kisi parkar ki chot lagne par muscles banane ke workout karne mein pareshani aane lagti hai, agar aap jaldi muscles banana chahte hai to chot lagne se bache.

Heavy weight uthana aur galat tarike se workout karna kuch aese karan hai jinse chot lagne ke chances adhik hote hai. Isliye jaruri hai ki ek dum se excited ho kar jada wajan uthane ki bajay sahi technique se exercise kare taki koi injury na ho.

Jitna jaruri workout hai utna rest bhi hai. Aaram karte waqt muscles jada fast badhti hai. Ek heavy workout ke baad body ko proper rest bhi de aur achi neend le.

 

Muscles Banane ka Tarika in Hindi

Agar aapne body banana ka irada kar liya hai to sabse pahle aap ko ye decide karna hai ki aap ko kesi body chahiye. Alag alag body ke liye weight aur workout bhi alag hote hai aur agar body shape mein lani hai to sabhi body parts ke liye alag technique follow karni hogi.

Muscles size bdhane ke liye heavy weight ke sath kam repetition ki jarurat padti hai. Agar aapki legs weak hai aur upper body strong hai to pairo ki heavy weight workouts 7 se 8 repetition karni hogi aur upper part ke liye 10 se 12 repetition medium weight ke karne honge.

Body banana hai to aap ko apni diet ko bhi sahi tarike se plan karna hoga jese gym jane se pahle kya khaye aur workout karne ke baad kya khana chahiye. Gym khali pet na jaye aur na hi  khane ke baad ek dum se workout shuru karna hai. Gym jane ke aadhe ghante pahle carbohydrates yukt kuch khaye aur din mein bhi apni diet ka dhyan rakhe.

 

Body Banane ke Hindi Tips

 

Kuch ladke gym shuru karte hai aur ek se do mahine ke workout ke baad hi pareshan ho jate hai ki unki muscles ka size nahi badh rha. Achi body banana ek ya do mahine ka kaam nahi isliye jaruri hai ki aap apne workout aur exercise ko enjoy kare taki aap isse bore na ho.

 

Dosto Muscles Kaise Banaye, Body Banane ka Tarika in Hindi ka ye lekh aapko kaisa lga hame comment karke btaye aur agar aapke pass jaldi muscles banane ke tips hai ya koi sujhav hai to hamare sath share kare.

7 Responses

  1. bikram says:

    hello sir mera naam bikram hai or meri left leg ki fibula bone fracture hai mai janna chata hu ki 5 week mai kya wo phele jaisi ho jayegi kyu ki docter ne phele kucha pluster lagaya tha aab paaka pluster laga diya hai phele 2week ka rest le liye kha tha ot aab 3weeka ke liye

  2. vicky says:

    Sir mea ek sal se exacise karrha hu lekin biceps or triceps kuch growth nhi ho rahi ha kaisa jalde growth hogi

    • Govind says:

      Vicky achi muscles bnane ke liye jaruri hai ki aap sahi technique se workout kare, aap gym mein apne trainer ya seniors se mil kar is bare mein discuss kare aur apni diet ka bhi khayal kare.

  3. Shubham Sharma says:

    Sir mai lagbg 30 ya 32 pushups marta hu aur kya karu sir mai apni body se bahut pareshaan kaise jaldi se growth karu

  4. danyal says:

    Mein body banana chahta ho

  5. Tiger says:

    hello sir mere pasliyon ka size badhana hai upay bataye

Leave a Reply

Your email address will not be published. Required fields are marked *

error: Content is protected !!