Oily aur Dry Skin Care ke 10 Gharelu Nuskhe aur Upay Hindi Mein

Oily aur Dry Skin Care ke 10 Gharelu Nuskhe aur Upay Hindi Mein

Skin Care Tips in Hindi: Sundar chehra sabhi ko acha lagta hai par pimples aur jhaiya chehre ki sundarta kharab kar dete hai. Oily aur dry tavacha ki wajah se bhi face par daag dhabe aur kil muhanse nikalte rehte hai. In samasyao se chutkara pane ke liye bahut se log market mein milne wale beauty products isteemal karte hai jo mehnge hone ke bawjood bhi jada asardar nahi hote aur inke side effects bhi ho sakte hai. Abhi tak hum logo ne padha hai chehre se kil muhase, blackheads aur jhuriyan kaise hataye. Is lekh mein hum janenge oily aur dry skin ka ilaj ayurvedic nuskhe aur gharelu upay se kaise kare.

Oily aur Dry Face ke Gharelu Upay, Skin Care Tips in Hindi

 

Skin Care Tips in Hindi – Oily Face ke Gharelu Upay

Tavacha mein tel hone se blackheads, pimples, whiteheads aur skin mein jalan jesi samasya hoti hai. Kuch logo mein ye problem genetic ke karan hoti hai aur kuch logo mein beauty products ke side effect ki wajah se ho jati hai. Oily face ke liye yha bataye natural homemade ayurvedic face pack bana kar lagaye.

  1. Tavacha mein badhe hue oil ko sokhne mein dahi bahut upyogi hai. Dahi ko chehre par lga kar chod de aur 15 minute baad chehra dho le.
  2. Dahi, besan haldi aur chawal ka aata mix karke paste bana le. Is paste ko chehre par lgane se chehre mein jama oil khatam ho jata hai aur face glow karta hai. Is upay se chehre ke pimples aur kale daag dhabe bhi saaf ho jate hai.
  3. Pudine ke ras mein nimbu ka ras aur shahad mila kar chehre par lagane se bhi oily skin ka ilaj hota hai.
  4. Multani mitti, haldi aur chandan ka lep face ki nami sokh leta hai aur tavacha oil free hoti hai. Is desi nuskhe ko karne se chehre ki tavacha tight hoti hai aur face fresh dikhta hai.
  5. Oily skin ka upay karne ke liye kheera, kakdi aur kache aalu ko chehre par ragde.
  6. Ande (egg) ki safedi oily face ko tone karne aur tavacha ko tight karne mein kargar hai. 1 anda tod kar iska safed hissa chehre par lga kar 15 minute ke liye chod de fir dho le. Ande ke safed bhag mein aap thoda nimbu ka ras bhi mila sakte hai.

 

Oily Skin Beauty Tips in Hindi

  • Oily skin ho to face ko sabun se wash kare.
  • Dhoop mein bahar jane se pahle sunscreen lotion lagaye.
  • Tala hua khana, chini aur fatty food khane se parhej kare.
  •  Makeup ka paryog kam kare.

 

Dry Skin ke Gharelu aur Ayurvedic Nuskhe

Rukhi tavacha ko oily ke mukable jada care chahiye hoti hai kyuki jiski tavacha dry hoti hai uski age jada dikhne lagti hai. Dry skin par jhuriyan aur rashes jaldi padte hai. Jada thande aur jada garam mausam mein chehre mein nami kam ho jati hai, iske ilava kisi bimari ke upchar mein li jane wali medicines ki wajah se bhi tavacha mein rukhapan aane lagta hai. Dry face ke upay ke liye gharelu nuskhe.

  1. Skin moisturize karne ke liye haldi aur nariyal tel ka ubtan bana kar chehre par lagaye, isse face par glow aayega.
  2. Nahane se pahle body par sarso ka tel lagaye, kuch din lagatar ye desi tarika apnane se dry skin ki problem khatam hoti hai.
  3. Aloevera skin ke liye natural beauty product hai, aloe vera ke patte ko beech mein se kaat kar chehre par ragde, isse face par jami dhul mitti ke kan bahar nikalte hai aur chehra saaf hota hai.
  4. Rukhi tavacha ka upay karne ke liye shahad ka paryog utam hai. Shahad ek natural moisturizer ki tarah kaam karta hai.
  5. Doodh ki malayi mein haldi mila kar face par lagane se rang gora hota hai. Jane Rang Gora Kaise Kare.

 

Sawle Rang ko Gora Karne ke Upay

Gharelu Nuskhe for Face Beauty in Hindi

 

1. Rang gora karne ke liye nimbu ke ras mein haldi mila kar lagane se fayda milta hai. Jinki skin oily hai unke liye bhi ye upay acha hai.

2. Besan, doodh ki malayi aur haldi ko mila kar paste bana le aur face par lagaye. Jinki tavacha oily hai vo ye nuskha na kare. Rukhi tavacha wale is skin care tips ko apna sakte hai.

3. Apple cider viginer, haldi aur aloevera juice ko mila kar ek paste bana le aur chehre par lagaye. Is paryog ko karne se chehre ka sawlapan door hone lagta hai.

4. Chehre mein chupi mitti aur dhul ki wajah se bhi pimples aur kil muhase nikalte hai. Skin care ke liye chehre ko bhap dena kafi acha hai. Isse chehre ke rom chidar mein jama mitti, tel aur dead skin nikal jati hai.

 

5. Face ke rom chidro se mel nikalne ke liye jaruri hai ki face wash karte rahe khas kar tab jab aap kahi bahar se ghar aaye ho.

6. Chehre se dead skin nikalne ke liye kacha papita kaat kar chehre par male, isse face par nikhar bhi aayega.

7. Doodh mein shahad aur gulab ke patte mila kar paste bana le. Chehre ka rang saaf karne aur nikhar lane ke liye ye utam upay hai.

8. Paka hua tamatar aur ananas ka face pack bana kar chehre par lagane se twacha ka kalapan kam hota hai aur gorapan aane lagta hai.

9. Aawla powder, besan, dahi aur haldi ko mila kar ek lep bna le ab isme thoda nimbu ka ras aur aelo vera juice mix kare. Is facial pack ko chehre par lagane se skin moisturize hogi aur kale dhabe bhi khatam honge.

10. Tulsi ke lep lagane se bhi chehra khil (glowing face) uthata hai.

 

Dosto Oily aur Dry Skin Care Tips in Hindi, Sawle Rang ko Gora Karne ke Gharelu Upay ka ye lekh aapko kaisa laga hame comment kar ke bataye aur agar aapke pass chehre ko sundar banane ke ayurvedic nuskhe ho to hamare sath bhi share kare.

You may also like...

13 Responses

  1. vijay says:

    Please koi achha upay bataiye jo cehere se pimple khatam ho jaye jaldi ho jaye

  2. Bhavishay Saini says:

    sir oily sikn ke liye 3rd point thik h kya or side effects nhi hoga na

  3. Himani says:

    Meri oily skin hone ki vjh se Keel chehre pe jyada bdh gai h orr Keel ke ched bahut hone lage h ap plz bataya m kya kru

  4. Himani says:

    Sir mere sabun bhi suit ni Hota h aapne jo upaye bTaye h vo i krke dekhe unke istemal se bhi Mera chera dardara gya h dane dane ho Rahe h plz sir koi Aisa upaye bataya ki Mera chera thik ho jaye

    • Govind says:

      Himani sab jaruri upay is lekh mein share kiye gye hai aap ko kisi ek se fayda nhi mil rha hai to koi dusra kar ke dekhe aur upay karne se pahle inhe body par kahi aur lga kar dekhe.

  5. Chandrakant says:

    Sir mere chehera par black sport nehi jarahe.red red pimpls utha tahe.jess black sport jarahe aur ek uth jarahe hum ky kare koito upaye batayiye

  6. Bhavna says:

    Mere face pr bhut jyada kale daag h pimpals k or color bhi dark ho gya h kya kru

Leave a Reply

Your email address will not be published. Required fields are marked *

error: Content is protected !!