Periods Mein Dard Kam Karne ke 5 Aasan Upay Hindi Mein

Periods Mein Dard Kam Karne ke 5 Aasan Upay Hindi Mein

Periods mein dard ko kaise kam kare: Periods ko masik dharm, mahwari ya date aana bhi kehte hai. Bahut si girls ye sochti hai periods kyu hote hai. Mahilao ke liye mahavari aana ek aesi parkirya hai jisme garbh ka astar failne lagta hai aur khoon garbh ke astar se ho kar yoni se bahar nikalta hai. Is dauran shareer se kamjor andanu bahar nikalne lagte hai. Ye parkirya har mahine hoti hai aur ye samay thoda mushkil bhara hota hai. Kuch ladkiyo ko periods sahi samay par shuru ho jate hai aur kuch ko deri se hote hai.

Masik mahwari sahi samay par hone se ye pta chalta hai ki mahilao ka prajnan tantar sahi tarah se kam kar rha hai. Is dauran bleeding hone ki wajah se dard bhi hota hai. Kuch upay kar ke mahavari mein hone wali samasyo se chutkara paya ja sakta hai. Is article mein hum janenge kaise gharelu ilaj aur ayurvedic nuskhe apna kar periods ki samasya aur dard ko kam kiya ja sakta hai, home remedies for girls periods problem in hindi.

Periods Mein Dard Kaise Kam Kare, Home Remedies for Periods Pain Relief in Hindi

 

Periods mein hone wali samasyae kya hai

  1. Sir dard ki shikayat hona.
  2. Kamar mein dard hona.
  3. Pet ke niche ke hisse mein dard hona.
  4. Sharir mein kisi khas jagah sujan aana.
  5. Adhik neend aana.

Vese to periods khatam hone par ye pareshaniya bhi khatam ho jati hai par aap healthy diet le kar aur vyayam karke iske asar ko kam kar sakti hai aur is baat ka bhi dhyan rakhe ki mahwari ke samay jada wajan na uthaye.

 

Periods ke samay dard kyu hota hai

Body mein physically aur emotionally changes aane ki wajah se pet ke niche wali jagah par pain hona sawbhavik hai. Doctors kehte hai ki is dard ki wajah prostaglandin hai jo ek tarah ka chemical hai aur garbhashay ke pass se nikalta hai. Dard kis tarah ka hoga aur kahan hoga ye shareer par nirbhar karta hai. Umar badhne ke sathh sath shareer mein hone wala pain bhi kam ho jata hai.

 

Periods Mein Dard Kaise Kam Kare 

Home Remedies for Period Pain Relief in Hindi

 

1. Sikayi kare (Heat pack)

Mahawari ke dard ka ilaj karne ke liye garam towel ya bottle se 5 se 10 minute ke liye pet ke niche wale bhag par sikayi kare isse sharir se nikalne wali gandagi aasani se bahar nikal jati hai jisse dard door hota hai. Jarurat padne par hi koi pain killer ka paryog kare aur pain relief ke liye ye upay kar sakte hai.

 

2. Khane pine ka dhyan rakhe

Masik dharm ke samay body mein iron aur vitamins ki khapat bahut jada hoti hai aur agar inki kami ko pura nahi kiya gya to agle mahine date aane par kafi mushkilo ka samna karna pad sakta hai. Isliye body mein nutriotions ki kami ko pura karne ke liye hari sabjiya, dahi, doodh aur falo ka juice piye.

 

3. Garam paani se nahaye

Garam paani se nahane par body ka temperature badhta hai jo sharer ke failaav ko badhata hai aur garbashay greev se blood aasani se bahar aa jata hai. Periods mein hone wali samasyao ko door karne ke liye din mein 2 se 3 bar garam pani se nahana chahiye.

 

4. Malish (Massage)

Udariy bhaag par halke haato se 5 se 10 minute tak malish kare. Isse sujan kam hone lagti hai. Aap khade ho kar, baith kar ya fir let kar massage kar sakti hai. Massage karne se pahle tel ko halka garam kar le. Malish ke liye nariyal ka tel ya jaitun ka tel paryog kar sakte hai.

 

5. Paani adhik piye

Mahwari mein paani ki maatra jada le aur ho sake to gunguna paani piye. Iske ilava periods mein dard ka ilaj karne ke liye aap green tea bhi pi sakti hai kyuki isme antioxidents hote hai jo sharer ke liye faydemand hai.

 

Ayurvedic Treatment for Girls Periods Problem in Hindi

1 glass gungune doodh mein ek chammach haldi powder mila kar piye. Haldi body mein heat badhati hai jisse mahwari ke samay hone wali pareshani aur dard kam ho jate hai. Jo mahilaye periods ke samay bhi normal dino jesa rehna chahti hai unke liye haldi wala doodh bahut faydemand hai..

Period pain ko kam karne ke liye aap ghar par ek aur ayurvedic dawa bana sakti hai. Ek bartan mein ek gilass paani ubale aur usme 2 chammach jeera, 1 chammach shahad aur 1 chammach haldi milaye aur inhe bhi paani mein ubalne de. Thoda gadha hone par ise 1 cup mein bina chane dal le aur piye. Is natural ayurvedic medicine ko din mein 2 bar pine se pain kam ho jayega.

 

Peroids pain kam karne ke liye vyayam kare

  • Jin ladkiyo ka weight adhik hota hai unhe mahwari ke samay jada pareshani hoti hai. Isliye exercises aur yoga ko apni life style ka hissa bana le. Jo mahilaye fit aur active rehti hai vo periods ke dino mein bhi healthy rahti hai.
  • Periods mein vyayam karna safe hai. Exercises aur yoga body ka blood circulation acha rakhte hai jisse masik dharm ke samay jada dard nahi hota.
  • Agar aap bahut jada taklif mein hai to vyayam karne ki bajay aapko aaram karna chahiye.
  • Mahwari ke samay aap halka fulka workout hi kare aur jab ye khatam ho jaye tab aap heavy workout bhi kar sakti hai.

 

Periods mein infection se bachne ke upay

Masik dharm ke samay kisi bhi parkar ke infection se bachne ke liye saaf safayi ka khas dhyan rakhe, kyuki is dauran infection hone ka khatra badh jata hai isliye doctors ka kehna hai ki har 6 ghante mein pad(napkin) badle.

 

Periods ke dauran shareer mein harmons teji se badalte hai aur kai tarah ke badlav hote hai. Sharir mein hone wale changes ki wajah se ladkiyo ka mood bhi change hota rehnta hai. Kai baar gussa aata hai aur kai bar man udas hone lagta hai. Khana pina acha nahi lagna aur jada neend aana periods mein normal hai.

 

Periods Mein Dard Kam Karne ke Upay, Home Remedies for Period Pain in Hindi ka ye lekh aapko kaisa laga hame comment karke bataye aur agar aapke pass mahwari/masik dharm ki samasyo se bachne ke gharelu nuskhe aur tips hai to hamare sath bhi share kare.

You may also like...

Leave a Reply

Your email address will not be published. Required fields are marked *

error: Content is protected !!