Pichke Patle Gaalo ko Mota Karne ka ilaj aur 3 Upay Hindi Mein

Pichke Patle Gaalo ko Mota Karne ka ilaj aur 3 Upay Hindi Mein

Pichke Gaalo ka ilaj in Hindi: Pichka hua chehra dekhne mein kafi kharab lagta hai, pichkey gaalo ki wajah se vyakti bimar kamjor aur dubla patla dikhne lagta hai. Face ka andar dhasa hona aur fula hua hona jadatar sharir ke wajan ke anusar hi hota hai, wajan badhega to gaal bhi mote honge. Agar aap ek healthy diet apnate hai aur sath hi sahi tarike se face yoga aur exercise bhi karte hai to aap bhi pichke hue chehre se chutkara pa sakte hai. Kya kyu kaise ke is lekh mein hum face mota karne ke upay aur gaal fulane ke gharelu tarike janenge. (Face weight gain tips in hindi)

Pichke gaalo ka ilaj, Face mota karne ke tips in hindi

 

Pichke Gaalon ka Karan

  • Paani ki kami hona duble patle sharir ka ek bada karan hai. Paani sharir se gandagi bahar nikalne aur khoon saaf karne ka kaam karta hai aur sharir ko sehatmand banaye rakhta hai. Agar body mein paani ki kami ho to iska parbhav face par bhi padta hai.
  • Nutritions ki kami hone se bhi gaal pichak jate hai. Body ko jaruri poshak tatav na milne se iska bura asar gaalon par bhi padta hai isse chehre par gadhe dikhne lagte hai aur chehra andar ki aur dhas jata hai.
  • Fit aur healthy rehne ke liye sahi samay par bhojan karna bhi jaruri hai. Kam jada khana ya fir bewaqt khane se pachan kirya kamjor hoti hai. Sahi samay par khana na khane se bhi pichkey gaalo ki problem hoti hai.
  • Jada smoking karne aur tambacoo padartho ke sevan se bhi gaal andar ki aur dhasne lagte hai.

 

Pichke Gaalo ka ilaj Kaise Kare

Face Ko Mota Karne Ke Upay in Hindi

 

1. Gaalo par malish karne se fayda milta hai. Malish ke liye badam ka ya sarso ka tel paryog kar sakte hai. Rojana 5 se 7 minute tak chehre ki halki halki malish kare.

2. Agar aap apne bhojan mein jaruri poshak tatav nahi le pate hai to rojana subah sham 1 glass doodh pine ki aadat dale. Doodh mein kai parkar ke nutritions maujood hai jo pichke gaalo ko fulane mein madad karte hai.

3. Chehra bharne ke liye seb (apple) ka paryog bhi kar sakte hai. Kachhe seb ko pees kar iska lep gaalon par lagaye aur 15 minute baad dho le.

4. Patle aur pichkay gaalo ko mota karne ke liye gulab jal aur glycerin ke mishran se chehre ki massage kare, is upay se bhi gaal bharne lagte hai.

5. Jaitun ke tel ke sevan se bhi pichkey gaal fulne lagenge.

6. Achi neend lene se body fit healthy aur fresh rehti hai. Rojana kam se kam 8 ghante ki neend jarur le.

7. Face par fat badhane ke liye khane mein hari sabjiya, salad, fruits aur fruit juice shamil kare. Iske ilava paani adhik piye. Face ko mota karna hai to har roj 3 se 4 litre paani jarur piye.

8. Agar aapka weight kam hai to aese foods khaye jinme calorie adhik ho. Weight badhne par iska asar face par bhi dikhne lagega.

9. Apne bhojan mein aesi cheeje shamil kare jinme carbohydrates ki matra adhik ho jese chawal, bread aur pasta. Carbohydrate se sharir mein charbi badhti hai.

10. Smoking aur kisi bhi parkar ke tabacoo ke sevan se dur rahe.

 

Face Mota Karne ke Yoga Tips in Hindi

Aksar log pichke gaal ke ilaj ke liye medicine janna chahte hai, par aesi koi dawa nahi jo aapke gaalo ko ek dum se fula de. Yoga aur kuch facial exercises se aap apne chehre ko sundar aur golmatol (chubby cheeks) kar sakte hai. Face yoga na sirf chehre ko fulane ka kaam karta hai balki sath hi chehre ki jhuriyo ko bhi khatam karta hai.

1. Muh mein hawa bhar ke gaalon ko gubhare ki tarah fulaye aur 30 se 60 seconds tak isi position mein rahe. Is kriya ko rojana 3 se 5 baar karne par kuch dino mein aapke pichke gaal mote hone lagenge.

2. Kisi chair par sidha baithe aur apne munh ko itna khole jitna aap baat karte waqt kholte hai, ab apne hatho se munh ke kinaro ko pakde aur khinche, aesa karne par aapki thoddi halki si aage badhni chahiye. 30 second tak is face yoga ko karne ke bad aap normal position mein aa jaye.

3. Do se teen minute tak hatho se apne dono gaalo par chikoti kate, is kirya ko har roj kam se kam 5 bar kare kuch dino mein gaal fulne lagenge.

 

Aap face mota karne ke liye baba ramdev yoga video dekh kar yoga sikh sakte hai. Upar bataye gaye sabhi upayo se aapko ek dum se farak nahi dikhega isliye jaruri hai ki aap inhe sahi tarike se aur niyamit kare.

 

Dosto Pichke Gaalo ka ilaj Kaise Kare, Face Mota Karne Ke Upay in Hindi ka ye lekh aap ko kaisa lga hame comment karke bataye aur agar aapke pass gaal fulane ke tips aur gharelu tarike hai to hamare sath bhi share kare.

You may also like...

28 Responses

  1. Ronny kumar says:

    Ye mujhe acha laga par kya ese karne se wakeye gal mote ho jate h

  2. Archana chaudhary says:

    Ye acha or asan tarika h PR kya isse sach m fayda milega

  3. shivam says:

    Is she fayda milega jarur

  4. Dinesh says:

    Sir mai. Yeh yoga or exercise picle 10 dino se kar raha hu par koi dark najar nahi aa raha hai koi dusra upaay bataye

  5. Dinesh says:

    Sir pahle mere sirf ek gaal hi pichka Hua tha per ab Maine is upaay ko use kiya tho mere dono gaal pichke najar aa rahe hai aesa kyu sir

  6. sahista says:

    hi sir mera body mota h but chehra patla h….kuch tips btae

  7. bhoomi says:

    hiii
    mujhe jaldi jadi aur gal bmothe hone ke liye upay dijiye

  8. Akash says:

    Thanku sir ji tips dene k liy, Thanksgiving

  9. Tanuj says:

    Kya kya khaye Jisse sharir hatta_kattA ho jaye

  10. Brajesh batham says:

    I am Brajesh Me apne six Pack bnana chahta hu iske lie kya kru

  11. Shivam says:

    Hlw Sir mujhe apni height increase krni

  12. Anjali mishra says:

    Mera chahra bahot patla hai sarir mota hai chahra patla hai koi upay

  13. Jeet Das says:

    sir mera face par needle ka mark hai usee kyse or kon sa cream ka use kare jisme mark hatee…

  14. nazu says:

    Face yoga karne ki wajhe mere gaal fulgaye

  15. C.ALI says:

    Asslam u alaikum sir main is waqat Saudi Arab me ho ur MOTA hona chahta ho plz koi working tip batae

  16. bk says:

    Sir mera muh chota h aur gaal pichke h aur sakal Gandi lagti h

  17. Madhukar says:

    Thanks, For tips of healthy face yeh nuskhe or tarike mujhe acche lage.
    very very thanks.

  18. Rose says:

    Hyy sir Mera naam rose h meri body bht hi slim h mko apni belly to slim hi rakhni h but gaal, Thai ye thoda healty krne h plzz give me simple tips

  19. अजय राठौर says:

    सर मेरे चेहरे पर पिम्पल्स है और मेरा गाल पिचका है इसको दूर करने के उपाय बताये
    धन्यवाद

Leave a Reply

Your email address will not be published. Required fields are marked *

error: Content is protected !!