Chehre ka Rang Gora Karne Ke 7 Aasan Tarike Hindi Mein

Chehre ka Rang Gora Karne Ke 7 Aasan Tarike Hindi Mein

Sundar aur gora chehra kise pasand nahi aur yahi karan hai ki glowing skin pane ke liye log alag alag tarike ke beauty products paryog karte hai aur mehnge mehnge beauty treatment lete hai. Makeup aur kuch cosmetics ke istemal se kuch der ke liye to face ko beautifull banaya ja sakta hai par naturally khubsurat aur saaf chehra makeup ya kisi cream se pana mumkin nahi. Agar aapka rang sawla hai to aap ghar par rang gora karne ke tarike apna sakte hai. Kya kyu kaise ke is lekh mein aaj hum kuch aese gharelu nuskhe jannege jinke paryog se ghar baithe hi skin ko saaf sundar aur nikhra hua bana sakte hai. Aaiye jane face glowing tips in hindi.

Rang Gora Karne ke Tarike, Rang saaf kaise kare

 

Rang Gora Karne ki Cream

Jin logo ka rang sanwla hota hai vo aksar ye puchte hai ki chehre ka rang saaf kaise kare, kya aesi koi fairness cream hai jo hamari tavacha ko gora kar de. Bajar mein aesi bahut si beauty creams aati hai jo tavacha ka rang gora karne ka dawa karti hai, ye kuch samay ke liye to fayda karti hai par baad mein inke side effects dekhne ko milte hai. Sach to ye hai aesi koi cream nahi jo aapki skin ko naturally gora kar de.

Bazaar mein milne wali creams mein bleach ka paryog hota hai jo chehre ko nikhra hua dikhati hai aur thode samay ke bad hi iska asar kam hone lagta hai. Bleach wali creames ke paryog se skin jal jati hai jo bad mein nuksan kar sakti hai.

 

Chehre par chahe aap koi cream lagaye ya fir koi gharelu tips kare, sabse pahle jaruri hai ki aap apne face ko ache se wash kar le taki face mein chipi hui dhool mitti saaf ho jaye.

 

Rang Gora Karne ke Tarike : Rang Saaf Kaise Kare

 

Yha btaye hue skin glowing tips boys aur girls sab ke liye faydemand hai. Agar aap sahi tarike se ye nuskhe karenge to kuch hafto mein hi gorapan pa sakte haai.

 

1. Kesar

  • Kesar ka paryog sadiyo se gora rang pane ke liye kiya jata hai, kesar ka ubtan bana kar lga sakte hai aur ise doodh mein daal kar pi bhi sakte hai.
  • 7 se 8 kesar ki  pattiyan 1 katori paani mein dale, kuch der mein kesar paani mein rang chodne lagega. Ab isme ek se dedh chammach dahi daal kar ubtan bana le aur chehre par lagane ke 15 minute baad face wash kar le.

 

2. Kacha Aaloo

  • Aaloo mein vitamin C adhik hota hai. Kache aaloo mein tvacha ka rang nikharne ke natural gun hote hai isliye ise gorapan pane ke liye paryog kar sakte hai. Aaloo ki ek moti slice kaat kar apni skin par ragde aur 15 minute bad chehre ko gungune paani se dho le. Is nuskhe ko har roj karne se rang saaf hone lagta hai.
  • Aaloo ke ilava papita bhi skin ko gora banane mein asardar hai. Kachhe papite ko pees kar iska paste tvacha par lagane se tavacha nikharti  hai.

 

3. Santre aur Nimbu ka Face Pack

Santre aur nimbu ke chilko ko chaya mein sukha le aur barike pees kar powder bana le. Ab bina malayi wale doodh mein is powder ko mix karke ek facepack bana le. Ise lagane ke 15 se 20 minute baad face wash kare, hafte mein 2 bar is upay ko karne se aapka chehra khilne lagega.

 

4. Dahi

Dahi mein antioxidant aur antibiotic tatav bharpur hote hai jo skin ko andar se clean karne ka kaam karte hai. Agar aapka rang sanwla hai to har roj dahi se apne face ki massage kare aur massage ke 15 minute baad chahre ko paani se dho le. Kuch din lagatar is nuskhe ko karne se rukhi aur bejan tvacha mein nikhar aane lagega.

Hatho ki sanwli skin ko chamkane ke liye ek chammach dahi mein chutki bhar haldi mila kar apne hatho par male.

 

5. Multani Mitti ka Face Pack

  • Chehre par glow lane aur gora banane ke liye multani mitti kafi faydemand hai. Nimbu ke ras aur tamatar mein multani mitti daal kar ek face pack banaye aur apne chehre par lagaye. Ise lagane se sanwli tavacha mein nikhar aane lagta hai aur tvacha chamkdar banti hai.
  • Gulab jal mein multani mitti mila kar bhi facepack bana sakte hai.

 

6. Baking Soda

Sabse pahle apne chahe ko ache se dho le aur kisi saaf kapde se ponch le, ab 2 se 3 chammach baking soda mein 1 katori paani mix karke ek paste bna le aur 15 se 20 minute ke liye chehre par lagane ke baad mein paani se dho le. Ye upay rang saaf karne mein kafi madadgar hai.

 

7. Nimbu

1 chammach shahad mein 2 se 3 boonde nimbu ke ras ki mila kar paste bana le aur chehre par lagaye. 20 minute ke baad chehre ko saaf paani se dho le aapko face par glow dikhega.

 

Face Glowing Skin Tips in Hindi

  • Nimbu mein bleach ke gun hote hai jo face ko sundar banane aur gora karne mein kafi asardar hai. Nimbu ko  kaat kar iska paryog aap sidhe apne chehre par bhi kar sakte hai ya fir ise kisi face pack mein mila kar bhi chehre par lga sakte hai.

 

Rang Gora Karne Ke Liye Kya Khaye

  1. Doodh mein haldi ya kesar mila kar pine se bhi chehre par nikhar aane lagta hai.
  2. Santre ka juice pine se bhi chehre par nikhar aane lagta hai.
  3. Subah khali pet ½ glass gajar ka juice pine se 1 mahine mein rang mein nikhar aane lagta hai.
  4. Fruits mein papita khaye.
  5. Paani adhik maatra mein piye.

 

Dosto Chehre ka Rang Gora Karne ke Tarike, Face Glowing Skin Tips in Hindi ka ye lekh aapko kaisa laga hame comment kar ke btaye aur agar aap ke pass rang saaf kaise kare ke bare mein nuskhe ya upay hai to hamare sath share kare.

You may also like...

4 Responses

  1. Kishan says:

    Sir mai freya crim usz krta hu aur maibishe chhodna chahta hu lekin sir jab mai ishe ak ya do din na lgau to mera pura skin blck hone lgta h aur chhaiya padne lagti h aur phir se lgau to thik ho jata h to sir btaiye mai kya kru ishe kaise chhodu

  2. manoj kumar says:

    sir mere chehre par 3 saal se pimpal hai our unke nishan abhi bhi pimpal khatam nhi ho rhe sir plz koi achchha trika do main bahut pareshan hun meri age 17 saal hai main apna chehra shaf our sundar karna chahta hun

Leave a Reply

Your email address will not be published. Required fields are marked *

error: Content is protected !!