बिना मेकअप के सुंदर दिखने के 10 आसान तरीके इन हिंदी

Sundar dikhne ke upay in hindi: Chehre ki sundarta ke liye jadatar girls aur womens makeup ka sahara  leti hai. Boys bhi face sundar banane ke liye kai parkar ki cream istemal karte hai par jo khubsurati natural beauty mein hai vo kisi bhi cream aur makeup se nahi aa sakti. Khubsurat chehra aur bhi attractive tab lagne lagta hai jab aapke baal, honth, dant, lips aur aapki overall personality bhi achi dikhe. Vese hum makeup ke ilava hum chehre ke liye gharelu nuskhe apna kar bhi face ko clean aur sundar bana sakte hai. Aaj is article mein hum janege ki natural tarike se makeup ke bina sundar kaise dikhe, how to look beautiful without makeup, natural gharelu beauty tips in hindi for face.

Kuch ladke ladkiya aur mahilaye khubsurat dikhne ke liye makeup to istemal kar leti hai par kisi karan vash unhe side effect ho jate hai jesse face ka glow chala jata hai aur kai bar face par daag dhabbe pad jate hai ya pimples aane lagte hai. Agar aap bhi beautiful dikhne ke liye makeup ka sahara lete hai to aap se yahi salah hai ki chemical wale makeup se dur rahe. Aap gharelu tarike se bhi chehre ko sundar banne ke upay kar sakte hai. Bina makeup ke khubsurat dikhna jada mushkil nahi bas aapko ise sikhne ki jarurat hai ki natural tarike apna kar khubsurat kaise dikhe.

Sundar dikhne ke upay in hindi, Khubsurat kaise dikhe

 

Sundar Dikhne ke Upay : Khubsurat Kaise Dikhe

How to Look Beautiful Without Makeup in Hindi

 

1. Bina makeup ke sundar dikhna hai to apni skin ka khayal rakhe. Din mein kam se kam 2 bar apna chehra dhoye isse chehre par jama dhool mitti ke kan nikal jayenge. Aap chehra dhone ke liye face wash bhi istemal kar sakte hai par ho sake to natural chijo se bana hua face wash hi pryog kare. Aaj kal baba ramdev ptanjali ke beauty products bhi aa rhe hai.

2. Moisturizer ka pryog kare, ise aap chehra dhone ke baad  laga sakte hai. Apni skin ke hisab se hi moisturizer chune. Agar skin oily hai to oil free aur skin dry hai to aelovera wala natural moisturizer paryog kare.

3. Khubsoorat kaise bane, hafte mein ek bar chehre se dead skin hatane ke upay kare. Isse face fresh dikhta hai aur face par glow bhi aata hai. Is upay ko karne ke liye ek saaf kapda le aur ise halke garam paani mein bhigo kar apne chehre par ragde.

4. Skin ki care karne aur skin tone karne ke liye toner istemal kare. Ye skin ke ph balance ko banaye rakhta hai. Alchohal wala toner paryog na kare.

5. Agar chehre par muhase nikal aaye hai to ise hatane ke upay kare. Aap gharelu tarike se bhi pimples hatane ke upay kar sakte hai. Jane chehre se pimples kaise hataye.

6. Ghar se bahar jane se pahle sunscreen ka pryog kare. Isse aap ki skin suray ki kirno se hone wale nuksan se bachi rahegi.

7. Agar kisi function mein jane ke liye aap makeup karti bhi hai to raat ko sone se pahle makeup hata kar face clean jarur kare. Iske liye aap makeup remover, cleanser ya cream istemal kar sakti hai.

8. Sundar chehre ke ilava baal bhi khoobsoorti ka ek hissa hai. Apne baalo ka khayal rakhe, hairs mein dandruff na hone de aur apne balo aur face ke according apna hair style chune. Jane sundar balo ke upay in hindi.

9. Khubsurati ke upay kar rhe hai to eyebro bhi face ko beautiful banane mein aham hai. Isliye apni eyebrow ko hamesha set rakhe.

10. Chehre ko sundar dikhane ka sabse aasan tarika hai thoda sa gulabi powder apne gaalo par lagaye.

 

Sundar Kaise Dikhe : Gharelu Beauty Tips for Face in Hindi

  1. Natural tarike se sundar dikhne ka sabse acha upay hai ki apne sharir ka andar aur bahar se khayal rakhe. Sharir andar se swasth na ho to iska asar face par bhi dikhne lagta hai. Agar body andar aur bahar se healthy rahegi to aapko sundar dikhne ke liye makeup ki jarurat nhi padegi.
  2. Chehre ko sundar banaye rakhne ke liye important hai ki diet mein healthy food khana chahiye jisme poshak tatav bharpur ho. Isse body ko jaruri poshan milega aur body ka energy level bhi badhega.
  3. Face par glow lana hai to paani adhik matra mein piye. Paani jada pine se body ke toxins bahar nikal jate hai aur body detox hoti hai jisse skin aur body hydrate rehti hai aur chehre par chamak aane lagti hai.
  4. Makeup ke bina sundar dikhne ka tarika mein daily exercise karna bhi jaruri hai. Exercise karne se body mein blood ka circulation behtar rehta hai. Rojana 20 se 30 minute ke liye exercise kare. Iske ilava yoga, morning walk aur evening walk karna bhi acha hai.
  5. Aapne aksar dekha hoga kuch logo ki aankho ke niche dark circles pad jate hai aur unka chehra bhi murjhaya hua rehta hai. Aesa jada tension lene se aur puri neend na lene se ho sakta hai. Sundar dikhne ke liye achi neend lena jaruri hai aur sath hi jitna ho sake tension free rhe.

 

Khubsurat Dikhne ke Tarike in Hindi

  • Muskan chehre ki chamak aur nikhar aur bhi bdha deti hai aur isse aapka confidence bhi badhta hai. Isliye hamesha muskurate rahe aur khush rahe.
  • Baba bar chehre ko hath lagane se skin par oil aur bacteria badhne lagte hai. Isliye bar bar chehre ko na chue.
  • Agar chehre par pimples, foda funsi ya daane nikal aaye hai to inhe haath se na fode.
  • Sundar chehra banane ke liye jaruri hai ki aapke teeth bhi saaf aur sundar dikhe, isliye rojana brush kare aur danto ki dekh hal kare.
  • Apbe lips ki bhi dekhbhal kare. Mulayam aur bina fate hue honth chehre ko sundar bnane mein aham hai. Moisturizer ki mdad se aap apne lips ki dekhbhal kar sakte hai.
  • Bina makeup ke kubsurat dikhna hai to apni dressing bhi aesi rakhe jo aapko suit kare.
  • Chehre par nikhar lane aur sundar dikhne ke liye smoking, drinking aur fast food jesi chijo se dur rahna chahiye.

 

Agar aap bhi Sundar dikhne ke liye makeup ka sahara lete hai aur ab gharelu beauty tips karna chahte hai to upar btaye gye tips dhyan se padhe. Agar aapki skin jada senstive hai to koi bhi cream ya upay karne se pahle uske bare mein puri jankari le.

 

Is lekh mein aapne jana gharelu tarike apna kar sundar kaise dikhe. Aapko Sundar dikhne ke upay, How to look beautiful without makeup in hindi ka ye article aapko kaisa lga hame bataye. Agar aapke pass gharelu upay aur nuskhe se khubsurat kaise dikhe, chehre ko sundar banane ke upay haii to hamare sath share kare.

loading...

Leave a Reply

Your email address will not be published. Required fields are marked *

error: Content is protected !!