Peshab Mein Jalan aur Dard ka ilaj ke 10 Aasan Upay in Hindi

Peshab Mein Jalan aur Dard ka ilaj ke 10 Aasan Upay in Hindi

Peshab mein jalan ka ilaj: Ladka ho ya ladki peshab karte hue jalan kisi ko bhi ho sakti hai, is samasya mein thodi thodi der mein urine karne ki hazat hoti hai. Kuch logo ki ye problem jaldi thik ho jati hai, kuch logo ko mahino bhi lag jate hai aur kuch log ise najarandaj bhi karte hai jo galat hai. Is bimari ko ayurveda mein mutar krach kehte hai. Jese hi bladder mein dard ya jalan ke lakshan dikhne lage turant iske ilaaj ke upay kare nahi to ye aur bhi bimariyo ko janam de sakta hai. Kuch gharelu desi nuskhe apna kar aap peshab ki jalan aur dard ka upchar ghar par hi kar sakte hai. Urine irritation and pain treatment tips in hindi.

 

Hamare  sharir mein peshab karna ek jaruri parkirya hai, jiske dawara sharir se vishale padarth bahar nikalte hai aur body detoxify hoti hai. Is liye jaruri hai ki ye parkirya sahi tarike se chalti rahe jiske liye jaruri hai ki urine aur bladder se judi bimariyo se bache rahe.

Peshab Mein Jalan aur Dard ka ilaj ke Gharelu Nuskhe in Hindi

 

Urine Mein Jalan Hone ke Karan : Causes

  • Mutar marg mein infection hona aur sujan aane se bladder mein jalan hone lagti hai.
  • Kidney mein pathri hone ke karan se gurde mein dard hota hai aur peshab mein jalaN bhi hone lagti hai.
  • Sharir mein paani ki kam matra hone se bhi bladder mein jalan mehsoos hoti hai.
  • Liver ki samasya hona.
  • Reedh ki haddi mein chot lagna (spinal cord injury).
  • Sugar (diabeties) ki bimari hona.

 

Peshab Mein Dard aur Jalan ke Lakshan : Symptoms

  • Peshab mein badboo aana.
  • Bladder mein dard hona.
  • Peshab bar bar aana ya kam aana.
  • Peshab ka rang peela hona.
  • Peshab boond boond aana.
  • Pet mein dard hona aur mutar marg mein jalan hona.

 

Peshab Mein Jalan aur Dard Door Karne ke Gharelu upay

 

1. Urine ki koi bhi samasya ho sabse pahli gharelu tips hai jada se jada paani pina. Har ek ghante mein paani pine ki aadat banaye, isse bladder mein maujood bacteria bahar nikal jayega aur jada paani pine se body dehydrate bhi nahi hogi.

2. Aese fruits aur sabjiya khaye jisme citric acid ki matra adhik ho. Ye urine infection banana wale bacteria ko khatam karta hai. Khatte falo mein citric acid jada hota hai jese nimbu aur mausami.

3. Peshab ki jalan khatam karne mein nariyal paani pina kafi acha hota hai, isse body mein paani ki kami bhi dur hoti hai isse dehydration nahi hoti.

4. Aadha gilass chawal ke mand mein thodi si chini mila kar pine se urine ki irritation thik hoti hai.

5. Aanar ka juice bhi jalan door karne mein asardar hai.

6. Badam ki 5 giriya aur 7 choti ilaychi mishri ke sath pees le aur 1 gilass paani mein ghol kar pine se dard aur jalan kam hone lagti hai.

7. Raat ko sone se pahle ek gilass paani mein 1 chammach dhaniya powder mila kar rakh de aur subah ise chaan kar gud ya chini mila kar piye.

8. Saaf safayi ka pura dhyan rakhe, apne gupt ang ko din mein 2 se 3 baad dhoye taki kisi parkar ka infection na ho.

9. Agar aap ko kidney mein pathri hone ke karan pessab karte hue dard aur jalan ho rahi hai to beer pine se fayda mil sakta hai, isse stone gal kar ghul jayega aur sharer se bahar nikal jayega. (Is upay ko karne se pahle doctor ki salah jarur le.)

10. Kuch dino tak gunguna paani piye isse peshab karte hue jo dard hota hota hai use aaram milega. Kache doodh mein thoda paani mila kar pine se bhi fayda hota hai. Iske ilava paani mein thodi si fitkari daal kar din mein 2 se 3 baar pine se dard thik ho jata hai.

 

Peshab ki Jalan Rokne ka Ayurvedic Upchar

  1. Aawle ka churan aur ilaychi brabar matra mein mila kar piye. Aawle ka ras urine ki jalan door karne mein kaafi upyogi hai.
  2. Badi ilaychi ke dane aur kalmi shora ko pees kar churan bana le. Ab aadha gilass bina malayi wala thanda doodh aur aadha gilass paani ko mix kare aur 1 chamach churan ko faank kar ye doodh wala paani pi jaye. Is gharelu nuskhe ko din mein 2 se 3 baar kare. 2 din mein hi peshab ki jalan se chutkara mil jayega.
  3. Peshab karte waqt dard ho ya fir bar bar aata ho to 1 glass paani mein 1 chammach baking soda mila kar piye, isse urine ki acidity kam hoti hai aur aaram milta hai.
  4. Raat ko sone se pahle 1 muthi genhu ko paani mein bhigo kar rakhe aur subh isi paani mein genhu ko pees le aur chaan le. Ab is paani mein thodi mishri mila kar piye. Is upay ko 5 se 7 din lagatar karne se pessab mein dard aur jalan thik ho jayenge.
  5. Makki ke daane paani mein ubaale aur us paani ko chaan kar usme thoda mishri mila kar pine se jalan kam hone lagti hai.

 

Urine problems se bachne aur ilaj ke liye homeopathic treatment karna chahte hai to kisi homeopathy doctor se mil kar hi dawa le aur agar aap Baba Ramdev ki ayurveda medicines ka paryog karna chahte hai to ye aap ko baba ramdev ki ptanjali shop ya fir kisi pansari ki shop se le sakte hai.

 

Dosto Peshab mein jalan aur dard ka ilaj ke gharelu upay, Urine irritation treatment tips in hindi ka ye article aapko kaisa laga hame comment karke bataye aur agar aapke pass urine infection aur pain ka upchar ke desi nuskhe hai to hamare sath bhi share kare.

You may also like...

4 Responses

  1. priyanshu says:

    Sir ji Me15sal ka hu me gande dosto se bigar gaya hu pesab karte waqt jalan aur dard aur pila ata h aur mujhe muth Marne ka adat ho gaya h mera ling tedha hogaya hviriya patala ho gaya h rat ko sone me gir jata h me patala ho gaya hu iska koi gherelu upay dijiye sir please

  2. bijender singh says:

    sir pesaab bar bar aata h upyog bataye thank you

Leave a Reply

Your email address will not be published. Required fields are marked *

error: Content is protected !!