Weight Badhane Ke Liye Kya Khaye: Diet Plan in Hindi

Weight Badhane Ke Liye Kya Khaye: Diet Plan in Hindi

Weight Badhane Ka Diet Plan: Vajan ghatana ho ya badhana ho tarika ek jaisa hi hai, sahi khan paan aur regular exercises. Bahut se log ye sochte hai ki jada fat wala khana khaa ke aur din bhar aaram karke mota ho sakte hai. Dosto aisa karne se body mein falavat to aa jati hai par shareer swasth nahi rehta. Is tarike se badha hua motapa kai tarah ki bimariya paida karta hai.

Bhut se log aksar ye kehte hai ki main khata peeta to bahut hu par mota nahi hota.  Agar aapne bhi mota hone ke bhut se upay kiye aur abhi tak apna weight badhane mein safal nahi ho sake to is leekh ko ache se padhe aur jaane ki wajan na badhne ke kya kaaran hai au aise kon se upay hai jinhe apna kar aap bhi mote ho sakte hai.

Mota hone ke liye sabse pahle body ko healthy aur nirog rakhna jaruri hai taaki aapke pet ki pachan kirya majboot ho aur aap jo khaye usse fayda mile.

Weight Badhane ka Diet Plan, Mota Hone ke Liye Kya Khaye

 

Weight Badhane ka Diet Plan : Mota Hone ke Liye Kya Khaye

Weight badhane ka diet plan banana wajan kam karne ke diet plan se mushkeel hota hai, kyuki healthy tarike se vajan badhane ke liye vitamin, minerals, protein aur fiber ka sevan sahi maatra mein hona jaruri hai. Aaiye jaante hai mota hone ke liye kya khaye.

1. Aaloo(Potato): Carbohydrates ke sevan se weight badhane mein kafi madad milti hai. Aaloo mein carbohydrates bharpur hota hai, ubla hua aalu ya aalu ki sabji bana kar khaye.

2. Doodh aur Kela: Teji se weight gain karne ke liye apne diet chart mein doodh ko shamil kare aur subh sham doodh jarur piye. Doodh ke sath kela(banana) khane se bhi wajan badhta hai. Chahe to banana shake bana kar piye.

3. Dalliya(Oats): Daliya mein paryapt maatra mein fibers hone ke sath vo sabhi poshak tatv hote hai jo hamare shareer ko chahiye. Isliye motapa kam karna ho ya badhana ho, rojana nashte mein 1 katori daaliya lena bhut faydemand ho sakta hai.

4. Protein: Apne diet chart mein protein aur carbohydrates ki maatra jada rakhe, isse body ki mussels badhegi jisse weight badhne mein madad milegi. Agar aap mansahari(non veg) khate hai to anda, chicken aur fish khaye. Shakahari log daal, mungfalli, paneer aur sprouts( bhigi hui daal, soyabean aur chole) khaye.

5. Paneer: Paneer mein calcium ki maatra jada hoti hai jo haddiyo ke liye acha hota hai aur iske sath paneer mein calorie bhi jada hoti hai jo vajan badhane mein madad karta hai.

6. Desi Ghee: Ghee ka paryog khane mein karne se mota hone mein bhut fayda karta hai. Khane mein desi ghee ka paryog kare, roti aur daal mein 1 chamach desi ghee daal kar khaye. 1 chamach desi ghee mein 1 chamach chini mila kar roti ke sath khaye. Is upay ko mahine mein 3 baar karne se chamatkari dhang se weight badhne lagega.

7. Jada Paani Piye: Hamari body ka do tihayi(2/3) bhaag paani se bana hai isliye shareer ke sabhi ango ke ache se kaam karne aur sharer se jeharile padarath bahar nikalne ke liye paani ki jarurat hoti hai. Rojana 3 se 4 liter paani jarur piye. Paani peene se body ka digestion system acha hota hai aur shareer mein takat aati hai.

8. Egg aur Chicken: Egg mein protein bharpur maatra mein hota hai jo muscles banana ke liye jaruri hai. Rojana 4 ande (2 subh, 2 shaam) khaye. Chicken mein bhi protein khub hota hai, agar aap gym jaate hai to 200 se 300 garam chicken daily khaye ya fir hafte mein 3 baar khaye.

9. Achi Neend Le: Jitna jaruri exercise karna hai utana hi jaruri shareer ko aaram dena bhi hai, jisse body ka metabolism badhta hai aur shareer ko healthy aur fit banaye rakhne mein madad karta hai. Patala hone ka ek kaaran neend na aana bhi hai. Agar aap excersise kar rahe hai to aapko neend jarur aayegi.

10. Meetha: Meethe khane mein calorie jada hoti hai. Isliye apne weight gain diet plan mein meetha khana bhi add kare.

11. Dry Fruits: Raat ko sone se pahle 10 badam aur 10 kaaju khaaye. 2 se 3 mahine lagataar iska sevan kare.

12. Calorie Meter: Rojana 400 se jada calorie lene ki koshish kare. Har 2 ghante mein kuch na kuch jarur khaye aur khaane ko chaba chaba kar khaye. Tali hui cheeje khaa kar wajan badhane ki koshish na kare aisa bhojan shareer ke liye thik nahi hai.

13. Yoga aur excersises: Khane ka sahi tarah se paachan weight gain karne ke liye behad jaruri hai jiske liye exercise, body workout, yoga aur pranayam kar sakte hai. Long walking, swimming aur cycling karne se bhi puri body ki excersise ho jaati hai. Rojana exercise karne se shareer majboot hota hai, digestion acha ho jata hai aur kamjoori dur hoti hai.

 

Important Note: Kuch log wajan badhane ke liye kai parkar ki medicines ka isteemaal bhi karte hai jinke side effect bhi ho sakte hai. Aur aajkal bazaar mein weight gain karne ke bhut se supplements milte hai par ye product fayda dene ki bajay kai baar nuksaan bhi pahunchate hai, aur aksar humne ye dekha hi ki in supplements ke isteemal ko band karne ke baad body dhili pad jaati hai aur shareer mein pahle jaisi energy nahi rehti. Isliye agar aap wajan badhana chahte hai to medicines aur supplements ke pryog ki bajay weight badhane ke natural tariko par jada dhyaan kare.

Kya Beer Peene Se Mota Ho Sakte Hai?

Humne bahut se logo ko kehte suna hai ki agar aap mota hona chahte ho to beer peena shuru karo. Aur kuch log ye bhi kehte hai ki beer peene ke sath sath egg, chicken ya koi jada calorie wali healthy cheej khao. Dosto hum nahi jaante ki is baat mein kitni sachayi hai. Agar aapke pass is bare mein koi bhi jaankari ya anubhav hai to hamare sath share kare. Chahe ladka(boy) ho ya ladki(girl) ye diet plan koi bhi start kar sakta hai.

 

Dosto Weight Badhane ka Diet Plan – Mota hone ke liye kya khaye tips in hindi ka ye lekh aapko kaisa laga hame bataye aur agar aap ke pass wajan badhane ke tarike, liye sujhaav ya anubhav ho to hmare sath share kare, aapke daware di hui jankari se dusro ko bhi fayda milega.

You may also like...

26 Responses

  1. shivi says:

    Beer peene se mote nhi ho sakte or beer ke sath kbhi bhi egg ya chicken ya kisi ka bhi meat ko nhi khana chahiye kyuki isse hamare pet me garmi paida hoti h jisse ultiya hone ki sambhavna hoti h

  2. ARJUN SINGH says:

    BEER k saath jyada calori walli chizee khaayi jaa sakti aur khaani v chahiye ….thandi beer se pet me garmi nhi hoti…ha bas beer pet khaali karke pina chahiye, beer pine k 10 min baad kuchh khana chahiya,

  3. Akash says:

    Beer pine bad pani nhi pina chahiye ysa krne se hme jo fayda milne wala hota h wo n mil pata jis tarh hm khana khane k just bad pani nhi pina chahiye usi trh hi hme beer pine k bad pAni n pina chahiye

  4. Gyan Singh says:

    ek mahine me 5kg wajan kaise badhaye please hame batatye aur mail kare please ?

  5. RANI Gupta says:

    milk me egg mila ke pine se mota hota h….

  6. Owais khan says:

    Hat haram banne se bhe wazan barh jata h.

  7. anil kumar says:

    Mujhe pet dard problem jyda rhta hai aur khana dizes acha bhi hota but fresh ho kar mujhe pet saaf nhi hota mujhe koi yesa treatment bato jise mujhe kuch hi dino main benifit mil jye issse aur mujhe weight bhi apna 5 kg tak bdana hai 3 months main plzzz bato mujhe Kuch Sir

  8. Amit Kumar Sharma says:

    Mai Na patla Hu Na mota yani medium
    Par mere gaal pichke huye hai
    Khana khata Hu to jaldi se pach jata hai
    Bhopkh bahut lagti hai
    Par company me 12 baje ke pahle khana nhi milta
    Subah me chana aur Gur khakar aata Hu
    Fir tea ya coffee leta Hu
    Par 10 bajte hi bhookh lag jati h
    Kya kare
    Please koi upay bataye taki Mai swasth aur tandrust dikhoo

  9. Amit Kumar Sharma says:

    Bhookh lagne ke baad pura sharir me kapne lagta hai
    Khas kar hath Ki ungliya

  10. bittu says:

    carrot and mishrikan khane se bahut jldi wajan badhta hai
    or raat me dudh k sath kaju, kismis, khajoor mila kar pine se v wajan bahut jldi badhta hai…

  11. Vishal chhimpa Taranagar says:

    Beer pine me nuksaan hota hai beer se hamari mansik kiriya parvavit hoti note beer pike weight na badhaye friend Kiyoki beer mein twenty parsentege alcohol ki matra hoti hai dosto

  12. shadev singh says:

    sir,
    main Army ki tayari kr rha hu, meri Army ki race 1 month bad hai . to mushya kya khyna chaya jo bhut energy mily and stamina good ho…

    • Govind says:

      Shadev healthy food khaye aur fast food se dur rahe, iske sath adhik paani piye…energy ke liye aap ankurit ki hui daal, kale chane aur soyabean daal kha sakte hai, isse aapko stemina badhane mein madad milegi.

  13. Arjun says:

    Sir
    mai proper diet le rha hu, regulr workout, bt fir v mera weight gain q nhi ho rha h?

  14. Raj says:

    sar vajan bdhane Ke lia deat

    • Govind says:

      Dost wajan badhane ke food ki jankari aap is lekh mein padhe, diet plan ke liye hum jald hi ek lekh likhenge aur aapke sath share karenge.

  15. Govind Prajapat says:

    sir me kuch bhi khata hu , mene sab try kr liye but mera weight nhi bdta h kyu ??
    kis chiz me jyada calories hoti h jise kha k jaldi mota hone m madad mil ske

error: Content is protected !!