Yoga karne ke 10 Adbut Fayde: Health Benefits of Yoga in Hindi

Yoga karne ke 10 Adbut Fayde: Health Benefits of Yoga in Hindi

Yoga Karne ke Fayde: Yoga ke bare mein jante to bahut log hai par sab karte nahi hai. Aajkal ki busy life ki wajah se hame bahut se sharirik aur mansik pareshaniyo ka samna karna padta hai jo hamre jivan ko puri tarah badal deti hai. Aaj ke adhunik yug mein jivan ko aaramdey banane ki bahut si suwidhaye maujood hai, par yahi suwidhaye hame sharirik aur mansik roop se kamjoor banati hai.

Yoga shareer, man aur aatma ko ek sath laane ka kaam karta hai aur yog ke jariye hum apne sharrer, man aur mastishk ko puri tarah swasth rakh sakte hai. Rojana yoga karke hum na sirf apni bimariyo ka ilaj kar sakte hai, balki isse hum rojana ki sharirik aur mansik pareshaniyo se chutkara bhi pa sakte hai. Aaiye jante hai best health benefits of yoga in hindi.

 

Hamare shastro mein yog ke 8 ang bataye gaye hai. Yam, Niyam, aasan, pranayam, pratyahaar, dhaarna, dhyaan aur samadhi. In sab mein se aasan, pranayam aur dhyaan sabse jada popular hai.

Yoga Karne ke Fayde, Health Benefits of Yoga in Hindi

 

Yoga Karne ke Fayde: Health Benefits of Yoga in Hindi

 

1. Mansik Fayde: Hamare mastishak ko swasth banane ke liye yoga sabse acha upay hai. Aasan, pranayam aur dhyaan ye teeno hi hame tanav, anidra aur awsad se door rakhte hai aur yaadshat badhane ke sath sath hamari mansik kamjoori ko khatam karte hai. Agar sahi tarike se dhyaan(meditation) kiya jaye to mansik pareshaniyo ko suljhane mein raambaan upay ka kam karta hai.

 

2. Sharirik Fayde: Hamare shareer ko lagne wali aneko bimariyo se bachaav aur uske upchaar mein yoga karne se chamatkari fayde milte hai. Niyamit roop se yoga karne se shareer ki maspeshiya aur haddiya majboot hoti hai aur sath hi rogo se ladne ki shamta bhi badhti hai.

 

3. Paachan Mein Fayde: Har roj yoga karne se bukh achi lagti hai aur khaana ache se digest hota hai jisse motapa aur dublapan jesi samasya nahi hoti.

 

4. Pranayam ke Fayde: Pranayam karne se shareer ke sabhi ango aur koshikao ko jada oxygen milti hai jisse body par positive asar padta hai. Har roj pranayam karne se saans se judi hui bimariya nahi hoti, jese ki allergy, dama, purana najla, sinosites aur tonsiliets. Pranayam mein kapalbhati aur anulom-vilom jarur kare.

 

5. Dhyaan ke Fayde: Dhyaan matlab meditation jo yoga ka jaruri hissa hai. Mansik tanav ko kam karne ke liye isse behtar kuch nhi hai. Dhyaan lagane se concentration achi hoti hai, man shant hota hai aur neend bhi achi aati hai.

 

6. Shareer se fat kam karne aur badha hua wajan ghatane mein yoga karne se benefit milta hai. Agar aap motapa kam karne ke upay kar rahe hai to apni jivanshelly mein yoga ko bhi shamil kare.

 

7. Kuch log Shareer ko swasth aur sehtmand rakhne ke liye kuch aadhunik machino ka paryog karte hai aur kuch log gym ya kisi fitness center jaate hai. Gym mein shareer ke bahari ango ka hi vyayam hota hai par yoga mein shareer ke andar bahar se sabhi ango ka vyayam ho jata hai.

 

8. Yoga karne se cholestrol aur blood sugar ka level kam hota hai. Yoga Type 2 sugar ke ilaj mein bhi fayda karta hai. Yoga se blood circulation acha hota hai isliyr jo log blood pressure ki bimari se pareshan h unhe rojana yoga karna chahiye.

 

9. Yog shareer ki rog partirodhak shakti ko badhata hai jisse aapko kisi bimari ke upay ke liye dawao par nirbhar nahi hona padta.

 

10. Niymait roop se yoga karne se tavacha mein chamak aati hai, shareer swasth aur nirog rehta hai jisse budhape mein bhi jawan bane reh sakte hai.

 

Yoga Kaise Sikhe

Agar aap ko yogaasan ki jankari nahi hai aur abhi tak ye nahi jante ki yoga kaise kare, to apne ghar ke ass pass kisi yog mandir me jaa kar yog sikh sakte hai aur agar aap kisi aise shahr ya gaanv mein rehte hai jaha koi yog guru ya expert nahi hai to aap TV, internet ke maadhyam se yoga sikh sakte hai. Aajkal subh subh bahut se TV channels par Yog Guru Baba Ramdev ke live yoga parsarit hote hai. Aaj kal kuch film stars bhi yoga karne ki videos bana rahe hai jinme se Shilpa shetty ka naam charch mein hai.

 

Pregnancy mein yoga karne se kamar ki maaspeshiya majboot hoti hai aur normal delivery mein jada pareshani nahi hoti. Pregnant women bina doctor ki salah ki yoga na kare. Aur kisi expert ki dekh rekh mein hi exercise aur yoga kare.

 

Dosto Yoga Karne ke Fayde: Health Benefits of Yoga in Hindi ka ye lekh kaisa laga hame comment kar ke bataye aur agar aapke pass koi sujhav ya koi gharelu nuskhe upay ya koi desi ilaj ka anubhav ho to hamare sath share kare, aapki di hui information se dusro ko bhi fayda mil sakega.

You may also like...

Leave a Reply

Your email address will not be published. Required fields are marked *

error: Content is protected !!